मुंबई : मुंबईच्या Mumbai धारावी Dharavi भागातून एक मोठी घटना घडली आहे. आज मंगळवारी पहाटेच्या सुमारास धारावी परिसरातून एक भीषण आगीची घटना Fire Incident घडली आहे. यामध्ये सहा जण गंभीर जखमी झाले असल्याचे समजते आहे.
मिळालेल्या माहितीनुसार, मंगळवारी पहाटे चारच्या सुमारास धारावीच्या 90 फीट रोडवर अशोक मिल कंपाऊंड मधील एका तीन मजली फर्निचर दुकानाला आग लागली. शॉर्ट सर्किटमुळे ही आग लागली असल्याची प्राथमिक माहिती मिळाली आहे. आग लागल्याचे लक्षात येताच स्थानिकांनी अग्निशमन दलाला माहिती कळवली. अग्निशमन दल दहा गाड्या घेऊन घटनास्थळी तातडीने दाखल झाले. शर्तीचे प्रयत्न केल्यानंतर सकाळी आठ वाजण्याच्या सुमारास ही आग आटोक्यात आली असून सध्या कुलिंगचे काम सुरू आहे.
Related posts
या आगीच्या घटनेमध्ये सलमान खान (वय वर्ष 26), मनोज (पूर्ण नाव समजू शकले नाही) (वय वर्ष 26), अमजद (वय वर्ष 22), सलालुद्दीन (वय वर्ष 28), सैदुल रहमान (वय वर्ष 26) आणि रफिक अहमद (वय वर्ष 26) हे सहा जण जखमी झाले असून जखमींवर सध्या सायन रुग्णालयात उपचार सुरू आहेत.
