नागपूर : आमदार नितेश राणे MLA Nitesh Rane हे आज सोमवारी दि. ११ डिसेंबरला नागपूर विधान भवनामध्ये पोहोचले आहेत. हिवाळी अधिवेशनासाठी Winter Session आमदार नितेश राणे यांनी आज नागपुरात हजेरी लावली आणि अनेक प्रमुख मुद्द्यांवर भाष्य करताना त्यांनी आदित्य ठाकरेंवर जहरी टीका केली आहे. विधान भवन परिसरात पत्रकारांशी बोलताना आमदार नितेश राणे म्हणाले की, ” 32 वर्षाच्या युवकाला हे सरकार घाबरत असल्याचा दावा आदित्य ठाकरे करतात. मग त्यांनी हिम्मत असेल तर यावं , त्यांचं लग्नाचं वय झालं आहे , आता त्यांनी वडिलांसोबत फिरू नये…!” अशी जहरी टीका त्यांनी आज केली आहे.
रोहित पवार हा महाराष्ट्राच्या राजकारणातील ओरी आहे…!
आमदार नितेश राणे यांनी आज महाराष्ट्रातील सध्या लागत असलेला प्रमुख मुद्दा मराठा आरक्षण यावर देखील भाष्य केला आहे. तसेच विरोधकांवर देखील त्यांनी आपली काटेरी वक्तव्यांची शैली सोडली नाही. आदित्य ठाकरे यांच्यासह त्यांनी थेट रोहित पवार यांना देखील टोला लगावला आहे. यावेळी रोहित पवार यांच्यावर टीका करताना आमदार नितेश राणे म्हणाले की, ” तो माहीत नाही कशाला यात्रा घेऊन निघाला आहे. रोहित पवार हा महाराष्ट्राच्या राजकारणातील ओरी आहे…!” अशी देखील टीका त्यांनी केली आहे.
