मुंबई : शिंदे गटातील आमदार संजय गायकवाड यांच्या विधानाने एकच खळबळ उडाली आहे. ते म्हणाले की, “मी जबाबदारपणे हा गौप्यस्फोट करत आहे की, मुख्यमंत्री एकनाथ शिंदे यांना चकमक घडवून जिवे ठार मारले जाणार होतं. संजय गायकवाड यांच्या या विधानानंतर राजकीय वर्तुळात एकच खळबळ उडाली आहे.
आमदार संजय गायकवाड यांनी केवळ मुख्यमंत्री एकनाथ शिंदे यांच्या एन्काऊंटर बाबत खुलासा केला नसून, या एन्काऊंटर घडवण्यामागे कोणाचा हात होता याबद्दल देखील सूचक वक्तव्य केले आहे. ते म्हणाले की, एकनाथ शिंदे यांना दुसरं काहीही दिल जाणार नव्हतं. त्यांना मृत्यू दिला जाणार होता. नक्षलवाद्यांच्या हातून त्यांचं एन्काऊंटर केलं जाणार होतं. मुख्यमंत्र्यांना लक्षलींच्या ताब्यात देऊन त्यांची हत्या घडवण्यात येणार होती. त्यांचं हे स्वप्न धुळीस मिळाल आहे.
एकनाथ शिंदे हे गडचिरोलीचे पालकमंत्री असताना त्यांना नक्षलवाद्यांनी धमकी दिली होती. त्यानंतर राज्य सरकारने एकनाथ शिंदे यांना झेड प्लस सुरक्षा देण्याचा निर्णय घेतला होता. ही सुरक्षा देण्यासाठी तात्कालीन गृहमंत्री शंभूराज देसाई यांच्या घरी बैठक सुरू होती. यावेळी मातोश्री वरून फोन आला आणि एकनाथ शिंदे यांना झेड प्लस सुरक्षा देऊ नका असं सांगण्यात आलं. याचा अर्थ काय असे ? देखील सूचक वक्तव्य यावेळी संजय गायकवाड यांनी केल आहे.
