बेळगाव : तिरुपती बालाजीचे दर्शन घेण्यासाठी गेलेल्या बेळगाव जिल्ह्यातील अथणी येथील भाविकांच्या वाहनाचा भीषण अपघात झाला आहे. या अपघातात पाच भाविकांचा मृत्यू झाला आहे.
मिळालेल्या सविस्तर माहितीनुसार, बेळगाव जिल्ह्यातील अथणी तालुक्यात असलेल्या बडची या गावात राहणारे अजूर कुटुंबीय तिरुपती बालाजीचे दर्शन घेण्यासाठी कारने गेले होते. यावेळी परतीच्या वाटेवर असताना शुक्रवारी पहाटेच्या सुमारास आंध्र प्रदेशातील अन्नमया जिल्ह्यात कडप्पा चित्तूर राष्ट्रीय महामार्गावर कवीपल्ली मंडल गावाजवळ त्यांच्या कारला आहे. या अपघातात एकाच कुटुंबातील चौघांसह पाच जण जागीच मृत्युमुखी पडले आहेत. तर 11 जण जखमी झाले आहेत. त्यांच्या वाहनाचा ट्र्क सोबत समोरासमोर अपघात झाला आहे.
या अपघातामध्ये हनुमंता अजूर वय वर्ष 52 ,महानंदा अजूर वय वर्ष 46 , शोभा आजुर वय वर्ष 36 ,अंबिका अजूर वय वर्ष 19 आणि वाहन चालक हनुमंत जाधव वय वर्ष 52 हे पाच जण मृत्युमुखी पडले आहेत तर जखमींपैकी सात जणांची प्रकृती चिंताजनक आहे.
हनुमंत जाधव यांच्या वाहनातून अजून कुटुंबीय तिरुपती बालाजीच्या दर्शनासाठी गेले होते. कुटुंबातील 15 जण देवदर्शनासाठी गेले होते. हा अपघात एवढा भीषण होता की, त्यांच्या वाहनाचा अक्षरशः चक्काचूर झाला आहे. या घटनेची माहिती मिळताच अजूर यांच्या नातेवाईकांनी अपघात स्थळी धाव घेतली आहे.
