लखनऊ : असं म्हणतात की मृत्यू जवळ असला की त्या व्यक्तीला काही संकेत मिळत असतात. पण असं फक्त म्हटलं जातं यात कितपत तथ्य आहे हे माहीत नाही. पण जर ही घटना तुम्ही पूर्ण वाचली तर कदाचित तुम्हाला या वाक्यावर विश्वास बसेल. कारण लखनऊमध्ये एका हकीम बाबाला आपला मृत्यू आधीच कळाला होता अशी चर्चा गावामध्ये जोर धरते आहे. आणि त्यास कारण देखील तेवढेच मोठ आहे.
तर झालं असं आहे की, लखनऊ मध्ये एका जिल्ह्यात वृद्ध हकीम सिंह यांनी 15 जानेवारीला स्वतःचच तेरावे असल्याचे जाहीर केलं. आपल्या तेराव्याच्या पत्रिका देखील छापल्या. स्वतःचच पिंडदान केलं. धक्कादायक म्हणजे त्यांच्या तेराव्यामध्ये तब्बल 800 लोक जेवण करून गेले आणि त्यानंतर अवघ्या दोनच दिवसात या वृद्ध हकीमाने आपले प्राण सोडले आहेत.
गावातील नागरिक असं सांगत आहेत की, मृत्यूपूर्वीच तुम्ही स्वतःचच पिंडदान करत आहात, तेरावे घालत आहात असे का ? तर यावर या वृद्ध हकीमाने उत्तर दिले की, आपल्या कुटुंबावर विश्वास नाही. माझ्या निधनानंतर ते तेराव करतील की नाही. म्हणून तेराव करून घेतोय असं त्यांनी सांगितल्याचं बोललं जातंय.
