नवी दिल्ली : माजी टेनिसस्टार सानिया मिर्झा आणि तिचा क्रिकेटपटू पती शोएब मलिक Shoaib Malik यांच्या लग्नात दुरावा निर्माण झाल्याच्या बातम्या अनेक दिवसांपासून ऐकिवात येत होत्या. अलीकडेच हे दोघे विभक्त झाल्याची बातमी समोर आली होती. आता शोएब मलिकने दुसरे लग्न केले आहे.
शोएब मलिकने पाकिस्तानी अभिनेत्री सना जावेदसोबत लग्न केले आहे. 20 जानेवारी 2024 रोजी शोएब आणि सनाने इन्स्टाग्राम अकाऊंटवर लग्नाचे फोटो शेअर करत लग्नाची घोषणा केली आहे. लग्नाच्या फोटोंमध्ये शोएब मलिक आयव्हरी शेरवानीमध्ये दिसत आहे. तर सना जावेद पेस्टल ग्रीन ड्रेसमध्ये सुंदर दिसत आहे. हेवी ज्वेलरीसह तिने आपला लूक पूर्ण केला.
https://www.instagram.com/p/C2T6_lbI3RJ/?utm_source=ig_web_copy_link
सानिया मिर्झाने दिले घटस्फोटाचे संकेत
सानिया मिर्झा आणि शोएब मलिक यांनी 2010 मध्ये लग्न केले होते. दोघांना एक मुलगा आहे. गेल्या वर्षभरापासून सानिया आणि शोएब यांच्या नात्यात दुरावा निर्माण झाल्याच्या बातम्या येत होत्या. अलीकडेच सानियाने शोएबसोबत घटस्फोटाच्या चर्चांना ही उधाण आले होते. त्याने एक पोस्ट केली होती, ज्यात लिहिले होते की, “लग्न कठीण आहे, घटस्फोट कठीण आहे. “
कोण आहे सना जावेद ?
सना जावेद ही एक प्रसिद्ध पाकिस्तानी अभिनेत्री आहे. तिने ‘कहानी’, ‘ऐ मुस्तत-ए-खाक’, ‘रोमियो वेड्स हीर’, ‘रुसवाई’, ‘डंक’ आणि ‘डर खुदा से’ या मालिकांमध्ये काम केले आहे. सध्या सना ‘सुकूं’ या टीव्ही मालिकेत अण्णांच्या भूमिकेत दिसत आहे. सना जावेदचं हे दुसरं लग्न आहे. याआधी तिचा विवाह ओमर जसवाल सोबत झाला होता.
