ठाणे : ठाण्यातील एका व्हेट क्लिनिक Vet Clinic मधला हा व्हिडिओ सध्या सोशल मीडियावर प्रचंड व्हायरल होतो आहे. यामध्ये एका चाऊ चाऊ जातीच्या पाळीव कुत्र्याला Chow Chow pet dog या क्लिनिकमध्ये काम करणारे दोन कर्मचारी मारहाण करताना दिसत आहेत. या दोन्हीही कर्मचाऱ्यांवर कारवाई करण्यात आली आहे.
मिळालेल्या माहितीनुसार, ठाण्यातील आर मॉल जवळ हे व्हेट क्लिनिक आहे. या क्लिनिक मधील दोन कर्मचाऱ्यांनी चाऊ चाऊ जातीच्या या पाळीव कुत्र्याला बेदम मारहाण केली आहे. हा विक्षिप्त प्रकार या दोन कर्मचाऱ्यांनी स्वतःच चित्रित केलेला देखील दिसून येत आहे. हा व्हिडिओ सोशल मीडियावर सध्या प्रचंड व्हायरल झाला असून प्राणी प्रेमींनी या घटनेचा तीव्र निषेध केला आहे.
चाऊ चाऊ जातीच्या या कुत्र्याला हाताने बेदम मारहाण करून लाथाडण्यात देखील आल आहे. तर याप्रकरणी मयूर आढाव नावाचा कर्मचारी दिसून येतो आहे. मारहाण करताना हे कर्मचारी विक्षिप्तपणे हसताना देखील दिसून येत आहेत. दरम्यान या दोन्ही कर्मचाऱ्यांवर निलंबनाची कारवाई करण्यात आली आहे. या पुढची कारवाई पोलीस करतील असे देखील क्लिनिकचे मालक गौरव अजमेरा यांनी सांगितला आहे.
