मुंबई : शाहरुख खानचा Shahrukh Khan बहुप्रतिक्षित चित्रपट ‘डंकी’ (Dunky Drop 4) चा ट्रेलर रिलीज झाला आहे. हा चित्रपट प्रदर्शित होण्यास अवघे काही दिवस शिल्लक आहेत. ‘पठाण’ आणि ‘जवान’च्या ब्लॉकबस्टर यशानंतर चाहत्यांनी शाहरुखचा तिसरा चित्रपट पाहण्यासाठी उत्सुकता व्यक्त केली. ट्रेलर रिलीज झाल्यानंतर चाहत्यांनी सोशल मीडियावर किंग खानच्या लूक आणि डायलॉग डिलिव्हरीपासून ते इतर गोष्टींवर कमेंट केल्या आहेत.
”डंकी’च्या ट्रेलरला सोशल मीडियावर संमिश्र प्रतिसाद मिळत आहे. काही चाहत्यांनी त्याचे कौतुक केले आहे, तर काहींना उणिवा आढळल्या आहेत. एका युजरने लिहिले की, “मी ट्रेलरबद्दल जितके कमी बोलतो तितके चांगले.” पंजाबी उच्चार सक्तीने केल्याचे दिसते. संवादांचा प्रभाव पडत नाही आणि मी कथेशी भावनिकरित्या कनेक्ट होऊ शकलो नाही.
एकाने लिहिले की, “ट्रेलर खूप चांगला आहे, परंतु आवाज वेगळा आणि विचित्र आहे.” अगदी डायलॉग डिलिव्हरीही. एका युजरने ‘डंकी’ला शाहरुखचा ‘लाल सिंग चड्ढा’ असे संबोधले आहे. शाहरुखची बोलण्याची शैली अनेकांना आवडली नाही.
काही चाहते असेही आहेत ज्यांना डंकीचा ट्रेलर खूप आवडला आहे. ‘डंकी’ ही सामान्य सिनेमांपेक्षा वेगळी रिफ्रेशिंग स्टोरी असेल, असं एकाने म्हटलं आहे. एका युजरने या चित्रपटाचे वर्णन कौटुंबिक मनोरंजन असे केले आहे. शाहरुख खान २०२३ चा शेवट तीन ऐतिहासिक ब्लॉकबस्टर चित्रपटांद्वारे करणार आहे. ”
