मुंबई : सध्या इन्क्लुएन्सर्स रील बनवून कोट्याधीश होत आहेत. अनेक इंक्लुएन्सर्स आज सेलिब्रिटी झाले आहेत. भारताच्या अगदी कानाकोपऱ्यातून तुम्ही अनेक अगदी सामान्य चेहऱ्यांना देखील झालेलं पाहिलं असेल. पण एखाद्या नेत्याला आणि तेही राज ठाकरेंसारख्या नेत्याला रील करताना तुम्ही पाहिले का ? नसणारच कारण राज ठाकरे यांची ही पहिलीच रील आहे, आणि तीही इन्फ्लुएन्सर अथर्व सुदामे याच्यासोबत…
अथर्व सुदामे हा इन्क्लूएन्सर अनेकांना आवडतो कारण त्याची बोलण्याची पद्धत आणि त्याचे विषय हे मराठी माणसाला आवडतील असेच आहेत. त्याच्या चाहत्यांमध्ये राज ठाकरे यांचे देखील नाव आहे. स्वतः राज ठाकरे यांनी देखील भाषणामध्ये अथर्व सुदाम याचा उल्लेख केला होता. तर आज थेट त्याच्यासोबत रील देखील त्यांनी केली आहे.
मराठी भाषेचे महत्व, इतिहास, आपली संस्कृती आणि आपल्या पुढच्या पिढ्यांनी आपल्या मराठी भाषेचा कसा अभिमान बाळगावा त्याच बरोबर आपली ही पिढी महाराष्ट्राला पुढे नेण्यासाठी काय करते आहे याचा विचार होणं गरजेचं आहे असा नेमका मुद्दा या रीलमध्ये आहे.
पहा रील : https://www.instagram.com/reel/C6YrSprItr3/?utm_source=ig_web_copy_link