दुबई : दक्षिणात्य चित्रपट सृष्टीतील प्रसिद्ध अभिनेता अल्लू अर्जुन Allu Arjun याने आता संपूर्ण देशभरातच त्याच्या चाहत्यांची मोठी लिस्ट तयार केली आहे. केवळ भारतातच नाही तर भारताबाहेर देखील त्याचे चित्रपट पसंत केले जातात. नुकत्याच मिळालेल्या माहितीनुसार दुबईतील मॅडम तुसाद म्युझियममध्ये अल्लू अर्जुनच्या मेणाच्या पुतळ्याचं अनावरण त्याने स्वतः केले. याची एक पोस्ट त्याने त्याच्या अकाउंट वरून शेअर केली आहे.
अल्लुने आजपर्यंत अनेक दर्जेदार चित्रपट दिले आहेत. यामध्ये त्याचा सर्वात जास्त गाजलेला चित्रपट आहे तो म्हणजे पुष्पा… पुष्पाचा पुढचा भाग देखील लवकरच प्रदर्शित होणार आहे. ज्याची वाट त्याचे चाहाते करतच आहेत, पण त्या आधीच त्याच्या चहात्यांना त्यानं एक चांगली बातमी दिली आहे.
काही दिवसांपूर्वी स्वतः अल्लू अर्जुन त्याच्या कुटुंबीयांना घेऊन दुबईत दाखल झाला. आज 28 मार्च रोजी दुबईतील मॅडम तुसाद म्युझियममध्ये त्याने स्वतः आपल्या मेणाच्या पुतळ्याचं अनावरण केलं आहे. या सोहळ्याची एक झलक त्याने सोशल मीडियावर शेअर करून आपल्या चहात्यांना आनंदाचा धक्का दिलाय.
अल्लू अर्जुनने आपल्या सोशल मीडिया अकाउंटवर या सोहळ्याचा व्हिडिओ शेअर करून लिहिले आहे की, ” आज मॅडम तुसादमध्ये मेनाच्या पुतळ्याचे अनावरण केलं. प्रत्येक अभिनेत्यासाठी हा मैलाचा दगड असतो. ” असे त्याने लिहिले आहे.
