नवी मुंबई : आज सकाळीच नवी मुंबईतून एक भीषण आगीची घटना समोर आली आहे. Video Viral नवी मुंबईत असलेल्या पावणे एमआयडीसीमध्ये एका केमिकल कंपनीला ही आग लागली आहे. सध्या अग्निशमन दल या ठिकाणी या आगीवर नियंत्रण मिळवण्याचे शर्तीचे प्रयत्न करत आहेत.
मिळालेल्या प्राथमिक माहितीनुसार, नवी मुंबईतील पावणे एमआयडीसीमध्ये नवभारत इंडस्ट्रियल केमिकल कंपनी मध्ये ही भीषण आग लागली आहे. आग नेमकी कशामुळे लागली हे स्पष्ट होऊ शकलेलं नाही. त्याचबरोबर सुदैवानं अद्याप तरी या घटनेमध्ये कोणतीही जीवित हानी झाली नाही अशी माहिती मिळते आहे. अग्निशमन दलाला घटनेची माहिती मिळताच दलाच्या पाच गाड्या आगीवर नियंत्रण मिळवण्याचे प्रयत्न करत आहेत.
सध्या परिस्थितीमध्ये आग प्रचंड प्रमाणात पसरली आहे. या घटनेचा एक व्हिडिओ व्हायरल झाला आहे. ज्यामध्ये आपण पाहू शकतो की ही आग किती भीषण आहे. आगीचे लोटच्या लोट उसळत आहेत. अग्निशमन दलाचे जवान या आगीवर नियंत्रण मिळवण्याचे शर्तीचे प्रयत्न करत आहेत.
