नवी दिल्ली : भारत आणि दक्षिण आफ्रिका यांच्यातील दोन सामन्यांच्या कसोटी मालिकेपूर्वी Test Series भारतीय संघाच्या अडचणींमध्ये वाढ झाली आहे. भारतीय संघाचा स्टार फलंदाज विराट कोहली Virat Kohli अचानक दक्षिण आफ्रिकेतून मायदेशी परतला आहे.
कौटुंबिक कारणाने विराट कोहली Virat Kohli मायदेशी परतला आहे. पीटीआय या वृत्तसंस्थेने ही माहिती दिली आहे. विराट कोहली टीम इंडियाच्या इंट्रा स्क्वॉडमध्ये सहभागी होऊ शकणार नाही. मात्र सेंच्युरियनमध्ये दक्षिण आफ्रिकेविरुद्धच्या पहिल्या कसोटी सामन्यात तो खेळताना दिसणार आहे. असे देखील स्पष्ट करण्यात आले आहे.
बीसीसीआयच्या सूत्रांनी पीटीआयशी बोलताना सांगितले की, विराट कोहली 26 डिसेंबरपासून सेंच्युरियनयेथे सुरू होणाऱ्या पहिल्या कसोटीसाठी वेळेवर पुनरागमन करेल. तसेच वेगवान गोलंदाज मोहम्मद शमी यापूर्वीच दक्षिण आफ्रिकेविरुद्धच्या कसोटी मालिकेतून बाहेर पडला आहे. वनडे विश्वचषक २०२३ मध्ये चमकदार कामगिरी करणारा मोहम्मद शमी फिटनेसमुळे कसोटी मालिका खेळू शकणार नाही.
दक्षिण आफ्रिकेविरुद्ध 2 कसोटी सामन्यांसाठी भारतीय संघ
रोहित शर्मा (कर्णधार), शुभमन गिल, यशस्वी जयस्वाल, विराट कोहली, श्रेयस अय्यर, ईशान किशन, केएल राहुल, आर अश्विन, रवींद्र जडेजा, शार्दुल ठाकूर, मोहम्मद सिराज, मुकेश कुमार, मोहम्मद शमी, जसप्रीत बुमराह, प्रसिद्ध कृष्णा.
