IPL : सध्या आयपीएलच्या मॅच सुरू झाले आहेत. भारतामध्ये क्रिकेट म्हणजे धर्म आणि काही खास क्रिकेटर्स म्हणजे देव आहेत. जसं की सचिन तेंडुलकर, कपिल देव, महेंद्रसिंग धोनी, विराट कोहली आणि असे बरेच… चहाते त्यांच्या या क्रिकेटर्सना भेटण्यासाठी काय करतील याचा नेम नाही. पण कालच्या मॅचमध्ये जे घडलं ते खरंच व्हायला नको होतं.
तर झालं असं की, काल रॉयल चॅलेंजर्स बंगळुरू आणि पंजाब किंग्स यांच्यात सामना रंगला होता. या सामन्यांमध्ये आरसीबीने चार विकेट वर विजय मिळवला. यावेळी भारताचा स्टार खेळाडू विराट कोहली यांन दमदार कामगिरी बजावली. यावेळी असं झालं की, मॅच सुरू असताना अचानक एक चाहता सुरक्षा कड तोडून मैदानावर घुसला आणि थेट विराट कोहलीच्या पाया पडला त्याची कडकडून गळा भेट घेतली. यानंतर सुरक्षारक्षकांनी धावत जाऊन या चहात्याला ओढत मैदानावरून बाजूला केले. पण त्यानंतर त्याला कोपऱ्यात नेऊन बेदम चोप दिलाय. या घटनेचा एक व्हिडिओ सध्या सोशल मीडियावर तुफान व्हायरल होतोय.
अचानक मैदानावर सामना सुरू असताना जाऊन आपल्या आवडत्या खेळाडूला भेटणं हे त्यांच्या सुरक्षेच्या दृष्टीने चुकीचं आहे. ही गोष्ट खरी परंतु खेळाडूंचे असे चाहते हजारो आहेत. चाहता सुरक्षा कड तोडून मैदानावर शिरला ही चूक नक्कीच आहे. पण त्यानंतर सुरक्षारक्षकांनी ज्या पद्धतीने या तरुणाला चोप दिला त्याबद्दल युजर्स आता सुरक्षारक्षकांना टीकेचे धनी बनवत आहेत.
