Australia Won World Cup 2023 Final : विश्वचषकाच्या सामन्यात ऑस्ट्रेलियानं (Australia) भारताचा (India) पराभव करुन ट्रॉफी (World Cup 2023) आपल्या नावावर केली. सगळीकडे या सामन्यापूर्वी जल्लोष पाहायला मिळाला. पण तितक्यातच ऑस्ट्रेलियाचा कर्णधार पॅट कमिन्सने त्याच्या इन्स्टाग्राम स्टोरीवर शेअर केला आहे. हा ट्रॉफी सोबतचा एक फोटो सोशल मीडियावर (Social Media) तुफान व्हायरल होतोय. या फोटोमुळे पुन्हा एकदा वातावरण तापलंय आणि खरंच त्यांना ट्रॉफीची किंमत आहे का? असा सवाल ऑस्ट्रेलियाच्या टिमला विचारला जात आहे. (Australia Won World Cup 2023 Final mitchell marsh photo world cup 2023 trophy under leg viral)
आणखी वाचा – NCP Hearing in Election Commission Today : राष्ट्रवादी कोणाची? निवडणूक आयोगासमोर लागोपाठ तीन दिवस सुनावणी
काय आहे ‘त्या’ फोटोत?
हा फोटो आहे ऑस्ट्रेलियाच्या ड्रेसिंग रुममधला. वास्तविक, सामना जिंकल्यानंतर मार्शने विश्वचषक ट्रॉफीवर पाय ठेवत एक फोटो क्लिक केला. ऑस्ट्रेलियाचा कर्णधार पॅट कमिन्सने त्याच्या इन्स्टाग्राम स्टोरीवर त्याचा हा फोटो पोस्ट केला आहे. हे पाहून भारतीय चाहते संतप्त झाले आणि काही वेळातच हा फोटो सोशल मीडियावर व्हायरल झाला. सोशल मीडिया युजर्सनी मार्शची ट्रॉफीसोबतची ही पोज चुकीची ठरवत त्याने ट्रॉफीचा अपमान केल्याचे म्हटले आहे.
मार्शच्या या कृतीला लोक ऑस्ट्रेलियन संघाचा अहंकार म्हणत आहेत. त्याचा हा फोटो स्वत: कर्णधार कमिन्सनं काढला की आणखी कुणी, हे स्पष्ट होऊ शकलं नसलं, तरी कमिन्सनं हा फोटो इन्स्टाग्राम स्टोरीवर शेअर करत मिशेल मार्शला टॅग केलं आहे. यामुळेच या कृतीला मिशेल मार्शचं समर्थनच असल्याचं स्पष्ट होत आहे. ऑस्ट्रेलियाच्या टिमला विश्वचषकात चांगली कामगिरी करणारा संघ म्हणून पाहिला जातो. आतापर्यंत सहावेळा ऑस्ट्रेलियानं विश्वचषकावर आपलं नाव कोरलं आहे. यामुळेच त्यांना विश्वचषकाचे मुल्य राहिलेलं नाहीय असं त्या व्हायरल फोटोत दिसत आहे.
कारवाईची मागणी!
दरम्यान, मिशेल मार्शची ही कृती उन्मत्त असल्याची टीका क्रिकेट चाहते करत आहेत. काहींनी हा फोटो शेअर करून थेट आयसीसी व बीसीसीआयला कारवाई करण्याची मागणी केली आहे. “प्रिय आयसीसी व बीसीसीआय, मिशेल मार्शनं त्याच्या पायाखाली विश्वचषक ठेवल्याबाबत मला चिंता वाटत आहे. त्याची ही कृती क्रिकेट खेळाच्या नीतीमूल्यांचा अवमान आहे. कृपया या प्रकाराचा आढावा घेऊन योग्य ती कारवाई करावी”, अशी विनंती एका चाहत्याने एक्सवर (ट्विटर) केली आहे.
