नाशिक : आज एकीकडे आयोध्यामध्ये प्रभू श्रीरामांच्या मूर्ती प्राणप्रतिष्ठापना सोहळ्यासाठी संपूर्ण देश डोळे लावून बसला होता. संपूर्ण महापूजा,मंदिर आणि मंदिर परिसरातील जल्लोष पाहण्यात देश व्यस्त होता. तर दुसरीकडे आज शिवसेना उद्धव ठाकरे गट प्रमुख उद्धव ठाकरे यांनी नाशिकमध्ये काळाराम मंदिरात सपत्नीक महापूजा केली आहे. यावेळी आदित्य ठाकरे हे देखील उपस्थित होते.
https://www.facebook.com/share/v/6kP5jfrsmoMx6Qg3/?mibextid=a6qBZl
आगामी लोकसभा निवडणुकीच्या पार्श्वभूमीवर आज शिवसेना ठाकरे गटाने प्रचाराचा शुभारंभ देखील केलाआहे. नाशिकमध्ये राज्यस्तरीय अधिवेशन आयोजित करण्यात आले असून आज सकाळी उद्धव ठाकरे यांनी नाशिकमध्ये हजेरी लावली आहे.
आज सकाळी उद्धव ठाकरे नाशिकमध्ये पोहोचले . या वेळी ठाकरे गटाचे पदाधिकारी आणि कार्यकर्ते यांनी जल्लोषात त्यांचे स्वागत केले आहे. तर जेसीबीच्या सहाय्याने तब्बल 40 फुटाचा फुलांचा हार ठाकरे यांच्या गळ्यात घातला आहे.
उद्धव ठाकरे यांनी नाशिक मध्ये पोहोचल्यानंतर सर्वप्रथम भगूर येथील स्वातंत्र्यवीर सावरकर यांच्या स्मारकाला भेट दिली. त्यानंतर नाशिकचे प्रसिद्ध काळाराम मंदिर या ठिकाणी जाऊन उद्धव ठाकरे यांच्या पत्नी रश्मी ठाकरे आणि आदित्य ठाकरे यांच्या समवेत श्रीरामांची महाआरती केली आहे.
