मुंबई : अभिनेत्री रिया चक्रवर्तीने सुशांत सिंग राजपूतच्या तिसर्‍या पुण्यतिथीनिमित्त दोघांचा एक रोमॅंटीक व्हिडिओ शेअर केला. बॉलीवूडचा अष्टपैलू अभिनेता आणि चमकणारा तारा सुशांत सिंग राजपूत जाऊन तीन वर्षे झालीये. सुशांतचा मृत्यू अनेकांसाठी एक मोठा धक्का होता. दिवंगत अभिनेत्याची आज तिसरी पुण्यतिथी आहे. त्याची गर्लफ्रेंड रिया चक्रवर्तीने त्याच्या मृत्यूनंतर तिच्या आयुष्यातली पोकळी व्यक्त केली. तिने तिच्या इंस्टाग्रामवर सुशांतसोबतचा एक न पाहिलेला रोमँटिक व्हिडिओ शेअर केला.
https://www.instagram.com/reel/CtdWEz3Kxjy/?utm_source=ig_web_copy_link
रियाने दोघांचा रोमॅंटीक व्हिडिओ शेअर केला
रियाने पोस्ट शेअर करत लिहिले की, ‘काश तु असता अशी माझी इच्छा आहे.’ त्यानंतर सुशांत सिंग राजपूतच्या चाहत्यांनीही अशाच शुभेच्छा दिल्या. सुशांत गेला पण कुटुंब, मित्र आणि चाहत्यांच्या हृदयात तो अजूनही जिवंत आहे. सुशांतने ३ वर्षाआधी आत्महत्या केली होती. सुशांतच्या जाण्यामागचे कारण अजूनही कळले नाही. तीन वर्षे होऊनही न्याय मिळाला नाही. त्यामुळे त्याचे कुटूंब, चाहते आणि मित्रपरिवार नाराज आहे.
https://www.instagram.com/p/CtdAiuIr7-W/?utm_source=ig_web_copy_link
श्वेता सिंग कीर्तीने पोस्ट शेअर केली
सुशांत सिंग राजपूतची बहीण, श्वेता सिंग कीर्तीने तिच्या इंस्टाग्रामवर एक पोस्ट शेअर केली. ती म्हणाली, तो शरीराने जरी इथे नसला तरीही तो त्यांच्यामध्ये कायम जिवंत आहे. श्वेताने सुशांतसोबतच्या तिच्या जुन्या चॅट्स शेअर केल्या. त्याने काही पुस्तके वाचली आणि तिलाही असेच करण्याचा सल्ला दिला. श्वेताने तिला त्याची आणि त्याच्या बुद्धिमत्तेची किती आठवण येते याचा उल्लेख पोस्टमध्ये केलायं.
सुशांतने प्रेक्षकांच्या मनात घर केले होते
दिवंगत सुशांत सिंग राजपूत बॉलीवूड स्टार्सपैकी एक आहे ज्याने खूप कमी वयात अनेक यशाच्या पायऱ्या चढवल्या. सुशांतने ‘काई पो छे’ या चित्रपटातून मोठ्या पडद्यावर पदार्पण केले. त्याने अनेक सुपरहिट चित्रपटही दिले, ज्यांनी बॉक्स ऑफिसवर चांगली कमाई केली. याआधी सुशांत पवित्र रिश्ता या सिरियलमध्ये मानवच्या भूमिकेत दिसला होता. या सिरियलपासूनच सुशांतने प्रेक्षकांच्या मनात घर केले होते. सुशांतला अभिनयाव्यतिरिक्त अभ्यासाचीदखील तितकीच आवड होती. सुशांत प्रत्येक भुमिकेसाठी प्रचंड मेहनत घ्यायचा. यामुळेच तो लवकरच यशाच्या शिखरावर पोहचला.
