मनोरंजन : भारताची प्रसिद्ध अभिनेत्री प्रियंका चोप्रा Priyanka Chopra आज केवळ बॉलीवूडचीच राहिली नाही तर हॉलीवुडमध्ये देखील तिनं तिचं नाणं खणखणीत वाजवल आहे. सोशल मीडियावर प्रियंकाचा हेड्स ऑफ स्टेट नावाच्या फिल्मच्या शूट दरम्यान अपघात झाला. तिनेच तिच्या सोशल मीडिया अकाउंट वरून एक फोटो शेअर करून तिच्या अपघाताबाबत माहिती दिली.
तिने शेअर केलेल्या या फोटोमध्ये तिच्या चेहऱ्यावर काही जखमा झालेल्या दिसत आहेत. या जखमा फारश्या गंभीर नाहीत असे देखील दिसत आहे. सध्या प्रियंका चोप्रा ही हॉलीवूडचा हेड्स ऑफ स्टेट या फिल्मसाठी शूट करते आहे. या फिल्ममध्ये तिचे बरेचसे स्टंट्स देखील आहेत. या स्टंट दरम्यानच हा अपघात झाला असल्याचं समजतं आहे.
हॉलीवुड अभिनेता आणि गायक निक जोनस सोबत विवाहबद्ध झालेली प्रियंका आता अमेरिकेतच स्थिरस्थावर झाली आहे. तिला एक मुलगी देखील आहे. हॉलिवूडमध्ये देखील तिने अनेक चित्रपटांमध्ये काम केले आहे. तर लवकरच ती फरहान अख्तरने दिग्दर्शन केलेल्या जिले जरा या फिल्ममध्ये कतरिना कैफ आणि आलिया भट सोबत स्क्रीन शेअर करणार असल्याचं समजतं आहे.
