Nana patekar viral video : बॉलिवूड (Bollywood) अभिनेता नाना पाटेकर (Nana Patekar) त्यांच्या दमदार अभिनयासाठी ओळखलं जातं. पण सध्या त्यांचा सोशल मीडियावर (Social Media) एक व्हिडिओ चांगलाच व्हायरल होतोय. तो व्हिडिओ पाहून चाहते नाराज झाले आहेत. हा व्हिडिओ वाराणसी मधला आहे. त्यांचा आगामी चित्रपटाच्या शुटिंग दरम्यानचा तो व्हिडिओ आहे. त्या व्हिडिओत नाना पाटेकर सेल्फी काढण्यासाठी आलेल्या चाहत्याच्या कानशिलात लगावताना दिसत आहेत. आणि या व्हिडिओमुळे (Viral Video) त्यांना मोठ्या प्रमाणात ट्रोल देखील करण्यात आलं आहे. तर आता नाना पाटेकर यांनी त्यांच्या अधिकृत सोशल मीडिया अकांऊटवरुन स्पष्टीकरण दिलं आहे. (nana-patekar-viral-video-explaination)
काय म्हणाले नाना पाटेकर? (Nana patekar viral video)
नाना पाटेकर यांच्या टीमनं हा व्हिडीओ शेअर केला आहे. या व्हिडीओत नाना पाटेकर बोलताना दिसत आहेत की ‘एक व्हिडीओ व्हायरल होतोय, ज्यात मी एका मुलाच्या कानशिलात लगावताना दिसतोय. हा सीन आमच्या चित्रपटातील आहे. आम्ही एक रिहर्सल केली होती. आम्ही दुसरी रिहर्सल करणार होतो. दिग्दर्शकानं मला हा सीन सुरु करण्यासाठी सांगितलं. आम्ही रिहर्सल सुरु करणार तितक्यात व्हिडीओत दिसणारा मुलगा आला. तो कोण आहे हे मला माहित नव्हतं? मला वाटलं की तो आमच्या क्रु मेंबर्सपैकी कोणी आहे.
त्यामुळे त्या सीन प्रमाणे मी त्याला कानशिलात लगावली आणि त्याला जाण्यास सांगितलं. त्यानंतर मला कळलं की तो आमच्या क्रुचा भाग नाही. त्यामुळे मी त्याला परत बोलावलं, पण तो पळून गेला. असं वाटतंय की त्याच्या मित्रानं हा व्हिडीओ शूट केला असेल. मी कधीच कोणाला फोटो काढण्यास नकार दिलेला नाही. मी कधीच असं नाही करतं. जे काही झालं ते चुकीचं आहे. काही गैरसमज झाल्यामुळे हा संपूर्ण प्रकार घडला आहे. कृपया मला माफ करा. मी पुन्हा कधीच असा प्रकार करणार नाही. त्याची मला माफी मागायची आहे. त्याला शोधण्याचा प्रयत्न देखील केला. ‘
पाहा हा व्हिडिओ
https://www.instagram.com/reel/CzrVKrirqOr/?igshid=MzRlODBiNWFlZA==
दरम्यान, हा व्हायरल झालेला व्हिडिओ नाना पाटेकर यांच्या जर्नी (Journey) चित्रपटातला आहे. जो लवकरच प्रदर्शित होणार असल्याच्या चर्चा आहेत. या चित्रपटाचे दिग्दर्शन ‘गदर 2’ (Gadar 2) चे दिग्दर्शक अनिल शर्मा करत आहेत. तर नाना पाटेकर यांच्या या व्हायरल व्हिडिओमुळे या चित्रपटावर काय परिणाम होईल हे पाहण्यासारखं आहे. पण चाहत्यांनी नाराजी व्यक्त केली आहे.
