नवी दिल्ली : संसद भवनाच्या Parliament Building सुरक्षेत अडथळा आणल्याप्रकरणी सहावा आरोपी महेश यालाही दिल्ली पोलिसांच्या स्पेशल सेलच्या काउंटर इंटेलिजन्सने अटक केली आहे. या प्रकरणात यापूर्वी अटक करण्यात आलेले ललित झा आणि महेश हे या संपूर्ण प्रकरणाचे सूत्रधार मानले जात आहेत. या दोघांनी कट रचल्याचा पोलिसांना संशय आहे. ललित झा यांच्यासह महेश गुरुवारी रात्री उशिरा दिल्लीत आला आणि त्याने कार्तव्य पथ पोलिस ठाण्यात पोलिसांसमोर शरणागती पत्करली. पण पोलिसांनी फक्त ललित झा याला अटक केली आहे.
महेश ( आडनाव समजू शकले नाही) या आरोपीस देखील अटक करण्यात आली. स्पेशल सेलकडून दिलेल्या माहितीनुसार, महेशला १३ डिसेंबर रोजी संसदेत झालेल्या गदारोळाच्या घटनेला उपस्थित राहायचे होते, पण मग असे ठरले की घटना घडवून आणून जेव्हा सर्वजण पळून जातील, तेव्हा त्यांना सल्ला देण्यासाठी आणि त्यांच्या राहण्याची व्यवस्था करण्यासाठी कोण असेल. यानंतर महेश नागौरमध्येच राहणार हे ठरविण्यात आले.
Related posts
दोन्ही आरोपींनी दिल्लीतील पोलिस ठाण्यात शरणागती पत्करली
फरार आरोपींच्या राहण्याची व्यवस्था करण्याची जबाबदारी महेशवर सोपविण्यात आली होती. महेशचा दिल्लीला येण्याचा प्लॅन रद्द झाला. या घटनेनंतर ललित झा १३ डिसेंबर रोजी रात्री १० वाजता दिल्लीहून नागौरला बसने पोहोचला तेव्हा महेशने हॉटेलमध्ये राहण्याची व्यवस्था केली. दिल्ली पोलिसांनी त्यांचा शोध सुरू केला असता दोघेही गुरुवारी रात्री उशिरा नागौरहून दिल्लीत आले आणि त्यांनी पोलिस ठाण्यात शरणागती पत्करली.
