मुंबई : नितीन देसाई यांच्या आत्महत्या प्रकरणी दाखल गुन्हे रद्द करण्यात यावेत यासाठी हायकोर्टामध्ये याचिका दाखल करण्यात आली आहे. याप्रकरणी पोलिसांनी फायनान्सच्या पाच जणांविरोधात आत्महत्येस प्रवृत्त केल्याप्रकरणी गुन्हा दाखल केला होता.
आज हायकोर्टामध्ये या प्रकरणी सुनावणी होणार होती. परंतु ही सुनावणी आता 13 ऑक्टोबरला होणार आहे. गणपती विसर्जनामुळे खालापूर पोलीस ठाण्यातील जे तपास अधिकारी आहेत ते आज कोर्टात उपस्थित राहू शकले नाही. त्यामुळे आज होणारी सुनावणी ही 13 ऑक्टोबर पर्यंत तहकूब करण्यात आली आहे.
नितीन देसाई यांनी एनडी स्टुडिओ प्रचंड मेहेनतीने निर्माण केला होता. यामध्ये कर्जबाजारी झाल्यामुळे आणि इसीएलचा निकाल त्यांच्या विरोधात लागल्यामुळे त्यांनी नैराश्यातून आत्महत्या केली होती. त्यामुळे नितीन देसाई यांच्या आत्महत्येस प्रवृत्त केल्याप्रकरणी गुन्हा दाखल करण्यात आला होता. हा गुन्हा रद्द करावा आणि अटकेपासून संरक्षण मिळावे यासाठी आरोपींनी मुंबई उच्च न्यायालयात धाव घेतली होती. या प्रकरणी आता 13 ऑक्टोबरला पुढील सुनवाई होणार आहे.