नवी दिल्ली : ज्ञानवापी प्रकरणी सर्वोच्च न्यायालयाने मुस्लिम पक्षाला आज पुन्हा एकदा फटकारले आहे. अलाहाबाद हायकोर्ट आणि वाराणसी जिल्हा कोर्टाने दिलेल्या निकालावर स्थगिती बाबत सर्वोच्च न्यायालयाने स्पष्ट नकार दिला आहे. त्यामुळे ज्ञानवापी मशिदीच्या आत व्यास सहकाऱ्यांमध्ये पूजा करण्याची परवानगी हिंदू पक्षाला मिळाली आहे.
फेब्रुवारीमध्ये अलाहाबाद हायकोर्टाने मुस्लिम पक्षाची याचिका फेटाळून हिंदू पक्षाला व्यास तहखान्यात पूजा करण्याची परवानगी दिली होती. या निर्णयाविरोधात मुस्लिम पक्षाने सर्वोच्च न्यायालयात याचिका दाखल केली होती ती याचिका देखील आता सर्वोच्च न्यायालयाने फेटाळून लावली आहे. सुनावणी करताना सर्वोच्च न्यायालयाने म्हटले आहे की, ” 17 जानेवारी आणि 31 जानेवारीच्या आदेशानंतर मुस्लिम समुदायाकडून मशिदीत कुठल्याही अडचणींशिवाय नमाज अदा केली जाते आहे. आणि हिंदू पुजाऱ्यांकडून पूजा देखील केली जाते. तहखाना परिसरात यथास्थिती ठेवणे योग्य आहे. जेणेकरून दोन्हीही समुदाय निश्चित करण्यात आलेल्या अटीनुसार पूजा करू शकतील. ” असे म्हणून सर्वोच्च न्यायालयाने मुस्लिम पक्षाला फटकारले आहे.
Related posts
नेमकं प्रकरण काय आहे
- नोव्हेंबर 1993 पर्यंत मशिदीच्या तळघरामध्ये शृंगार गौरीची पूजा करण्यात येत होती.
- ज्ञानवापी मशिदीचे बांधकाम हे मंदिर तोडून केले असल्याचा दावा हिंदू पक्षाचा असून त्यामुळे त्यांना हक्क दिला जावा अशी मागणी करण्यात आली आहे. हा व्यास कुटुंबाचा तहखाना आहे. असे देखील नमूद करण्यात आले आहे.
- नोव्हेंबर 1993 मध्ये सरकारकडून पूजा-अर्चना बंद करण्यात आली होती.
- दरम्यान 18 ऑगस्ट 2020 मध्ये सिव्हिल जज यांच्यासमोर हे प्रकरण आणण्यात आले. यावेळी महिलांनी ज्ञान वापी व शिदीच्या बाजूला असलेल्या शृंगार गौरी मंदिरात पूजा करण्याची अनुमती मागितली होती.
- यानुसार या मशीद परिसराचा सर्व्हे करण्याचे आदेश देखील देण्यात आले होते.
- या सर्व्हेनुसार एएसआयने ज्ञानवापी मशीद जुन्या मंदिराच्या अवशेषांवर बांधण्यात आल्याचे म्हटलं होतं.
