पुणे : अग्निशमन दल नियंत्रण कक्षात राञी ०९•१३ वाजता नवले पूल, स्वामीनारायण मंदिराजवळ ट्रकचा अपघात होऊन पेट घेतला. व काही लोक त्यामधे अडकले आहेत. त्याचवेळी दलाकडून मुख्यालयातील रेस्क्यु व्हॅन तसेच नवले, सिहंगड व पीएमआरडीए कडून एक फायरगाडी व एक रेस्क्यू व्हॅन तातडीने रवाना करण्यात आली.
घटनास्थळी पोहोचताच तेथे ताबडतोब आग विझवत अडकलेल्या व्यक्तींना बाहेर काढण्याचे काम सुरू केले. सदर घटनास्थळी एक पुरुष, एक महिला व दोन मुले ( लहान मुलांमधे महिला वा पुरुष समजले नाही) अशा चार जणांना गंभीर स्वरुपात जळलेल्या अवस्थेत दलाच्या जवानांनी बाहेर काढून रुग्णालयात रवाना केले. या चौघाजणांचा होरपळून मृत्यू झाला आहे.
Related posts
घटनास्थळी प्रत्यक्षदर्शीकडून समजलेल्या माहितीनुसार, एक ट्रक ज्यामधे हे सर्व अडकले होते तो एका कंटेनरला धडकला आणि कंटेनर पलटी झाला त्याचवेळी सदर ट्रक वेगात असल्याने (ब्रेक फेल) पुढे पुन्हा एका मोठ्या वाहनाला धडकला आणि त्याचवेळी धडकेमुळे लगेच ट्रकने पेट घेतला.
