नवी दिल्ली : आज महिला दिन संपूर्ण देशात साजरा केला जातो आहे. महिला दिनाच्या निमित्ताने वेगवेगळ्या स्तरावर योजना आणि उपक्रमांच आयोजन करण्यात आले आहे. केंद्र सरकारच्या वतीने देखील आजच्या खास दिवशी महिलांसाठी खास सवलत देण्यात आली आहे. हि सवलत आहे घरगुती गॅस सिलेंडरच्या दर कपातीच्या Domestic Gas Cylinder Price Cut स्वरूपात…
महिलादिनानिमित्त केंद्र सरकाराने महिलांसाठी घरगुती सिलिंडरवर 100 रुपयांनी कपात केली आहे. याबाबतची माहिती पंतप्रधान नरेंद्र मोदी यांनी एक्सवर दिली आहे.
Related posts
केंद्र सरकारने घेतलेल्या या निर्णयामुळे महिला शक्तीचे जीवन सुसह्य होईलच याशिवाय कोट्यवधी कुटुंबांचा आर्थिक भारही कमी होईल. हे पाऊल पर्यावरण रक्षणासाठीही उपयुक्त ठरेल ज्यामुळे संपूर्ण कुटुंबाचे आरोग्यही सुधारेल असं पंतप्रधान नरेंद्र मोदी यांनी म्हणाले आहेत.
सध्या महागाईने विशेष करून गरीब आणि मध्यमवर्गीयांचे कंबरडे अक्षरशः मोडले आहे. असे असतानाच १०० रुपये का होईना घरगुती गॅस सिलेंडरमध्ये केंद्रसरकारने सवलत दिली आहे.एलपीजी सिलिंडरचे दर दर महिन्याच्या पहिल्या तारखेला अपडेट केले जातात. यावेळीही 1 मार्च 2024 रोजी त्यांच्या किंमती अपडेट करण्यात आल्या होत्या. सरकारी तेल कंपन्यांनी मार्चमध्ये व्यावसायिक सिलिंडरच्या दरात २५.५० रुपयांची वाढ केली आहे.
