जम्मू-काश्मीर : जम्मू-काश्मीरमधील पुंछमधून मोठी बातमी समोर येत आहे. पुंछच्या सुरनकोटमध्ये लष्कराच्या वाहनावर दहशतवादी हल्ला Terrorist attack झाला आहे. डेरा की गल्ली, पीर टोपा परिसरात हा हल्ला झाला. मिळालेल्या माहितीनुसार, लष्कराने आघाडी ताब्यात घेतली असून सध्या गोळीबार सुरू आहे.
मिळालेल्या माहितीनुसार, लष्कराच्या 48 आरआरच्या जवानांच्या वाहनावर दुपारी 4 च्या सुमारास हल्ला करण्यात आला आहे. सावनी परिसरात हा हल्ला झाला आहे. या भागात दहशतवादी लपून बसल्याची माहिती मिळाल्यानंतर पोलिसांसह लष्कराने दुपारी तीनच्या सुमारास शोधमोहीम सुरू केली.जम्मू-काश्मीरमधील पुंछ जिल्ह्यात दहशतवाद्यांनी गुरुवारी लष्कराच्या वाहनावर घातपात करून तीन जवान जखमी केले.
Related posts
ठाणेमंडी-सुरनकोट रस्त्यावरील सावनी परिसरात वाहनावर हल्ला करण्यात आला. लष्कराचा हा ट्रक बुफलियाज येथून जवानांना घेऊन जात होता, जिथे बुधवारपासून दहशतवाद्यांविरोधात घेराव आणि शोध मोहीम सुरू करण्यात आली होती.
आतापर्यंत मिळालेल्या माहितीनुसार, दहशतवाद्यांनी गाडीवर गोळीबार केला. या चकमकीत लष्कराचे तीन जवान जखमी झाले आहेत. लष्कराच्या प्रवक्त्याने सांगितले की, दहशतवाद्यांशी संपर्क प्रस्थापित करण्यात आला असून परिसरात गोळीबार सुरू आहे. हल्ल्याचा पाठपुरावा करण्यासाठी घटनास्थळी अतिरिक्त फौजफाटा पाठवण्यात आला आहे.
