छत्रपती संभाजीनगर : मराठवाड्यामध्ये दुष्काळी परिस्थितीचे सावट असल्याने सर्वांचे मंत्रिमंडळ बैठकीकडे लक्ष लागले आहे. मराठवाडा मुक्ती संग्राम अमृत महोत्सवी वर्षाची उद्या सांगता होणार असून राज्याची मंत्रिमंडळ बैठक देखील शनिवारी छत्रपती संभाजीनगर येथे होते आहे. दरम्यान ही बैठक होण्यापूर्वीच औरंगाबाद आणि उस्मानाबाद शहर उपविभाग आणि जिल्ह्याचे नामांतर अधिकृतपणे करण्याची घोषणा करण्यात आली आहे.
मंत्रिमंडळ बैठक होण्यापूर्वीच औरंगाबाद आणि उस्मानाबाद शहर उपविभाग आणि जिल्ह्याचे नामांतर अधिकृतपणे छत्रपती संभाजी नगर आणि धाराशिव करण्याबाबत अधिसूचना महाराष्ट्र राज्य शासनाच्या राजपत्रात प्रसिद्ध करण्यात आले असल्याची माहिती धाराशिवचे जिल्हाधिकारी डॉक्टर सचिन ओंबासे यांनी दिली आहे.
