Asia Cup 2023 : आजपासून सुपर 4 फेरीच्या आशिया चषक सामन्यांना सुरुवात होते आहे. सुपर 4 मधील पहिला सामना आज बांगलादेश आणि पाकिस्तान यांच्यात रंगणार आहे. या स्पर्धेत एकूण सहा संघ सहभागी झाले होते. त्यापैकी भारत, पाकिस्तान, श्रीलंका आणि बांगलादेश हे संघ सुपर 4 साठी पात्र ठरले आहेत. तर नेपाळ आणि अफगाणिस्तान हे संघ आशिया चषकातून बाहेर पडले आहेत.
सुपर-4 स्टेजमध्ये एकूण 6 सामने खेळले जाणार आहेत. यानंतर टॉप दोन संघांमध्ये अंतिम सामना रंगणार आहे. सुपर-4 स्टेजमध्ये 10 सप्टेंबर रोजी भारत आणि पाकिस्तान संघ पुन्हा एकदा आमनेसामने येणार आहेत.
भारत आणि पाकिस्तान हे दोन्ही संघ ग्रुप-ए मधून सुपर-4 राऊंडमध्ये दाखल झाले आहेत. भारत आणि पाकिस्तान यांच्याकडे प्रत्येकी तीन गुण आहेत. या ग्रुपमधून नेपाळचा संघ बाहेर पडला आहे. दुसरीकडे श्रीलंका आणि बांगलादेश हे दोन संघ ग्रुप-बीमधून सुपर-4 राऊंडमध्ये पोहोचले आहेत. या ग्रुपमधून अफगाणिस्तानला सुपर-4 राऊंडमध्ये पोहोचता आलं नाही. श्रीलंकन संघ 4 गुणांसह सुपर-4 राऊंडमध्ये पोहोचला आहे. श्रीलंकेनेबांगलादेश आणि अफगानिस्तानला पराभूत केलं होतं. तर बांगलादेशचा संघ दोन गुणांसह सुपर-4 राऊंडमध्ये पोहोचला आहे. शाकिब अल हसनच्या संघाला श्रीलंकेविरुद्ध पराभवाचा सामना करावा लागला होता. जर बांगलादेशने अफिगाणिस्तानला पराभूत केलं होतं.
या ठिकाणी रंगणार सुपर-4 चे सामने
6 सप्टेंबर – पाकिस्तान विरुद्ध बांगलादेश – लाहोर
9 सप्टेंबर – श्रीलंका विरुद्ध बांगलादेश – कोलंबो
10 सप्टेंबर – पाकिस्तान विरुद्ध भारत – कोलंबो
12 सप्टेंबर – भारत विरुद्ध श्रीलंका – कोलंबो
14 सप्टेंबर – पाकिस्तान विरुद्ध श्रीलंका – कोलंबो
15 सप्टेंबर – भारत विरुद्ध बांगलादेश – कोलंबो
17 सप्टेंबर – अंतिम सामना – कोलंबो
