Makar Sankranti 2023 : आज संपूर्ण देशात मकर संक्रांतीचा सण उत्साहात साजरा करण्यात आला आहे. देशात वेगवेगळ्या राज्यामध्ये वेगवेगळ्या नवाब मकर संक्रांतीचा सण साजरा करण्यात आला आहे. या सणाच्या निमित्ताने जाणून घेऊयात ‘संक्रांत’ आणि ‘किंक्रांत’ मध्ये नेमका काय फरक आहे.
संक्रांत :
सूर्य जेव्हा एका राशीतून दुसऱ्या राशीत प्रवेश करतो तेव्हा त्याला ज्योतिषात संक्रांत म्हंटले जाते. मकर संक्रांतीच्या मुहूर्तावर सूर्याचा मकर राशीत प्रवेश होतो. एका संक्रांतीपासून दुसऱ्या संक्रांती पर्यंतचा काळ हा सौर मास म्हणून ओळखला जातो. या दिवशी महिला एकत्र येऊन हळदीकुंकू समारंभ करतात; विविध वस्तूंचेही वाण या दिवशी लुटले जाते. एक एकमेकांना तिळगुळ वाटतात. संपूर्ण भारतात संक्रांतीचा दिवस मोठ्या थाटामाटात साजरा केला जातो.
किंक्रांत :
संक्रांतीचा दुसरा दिवस किंक्रात म्हणून साजरा करतात. संक्रांती देवीने मकर संक्रांतीच्या दुसऱ्या दिवशी किंकरासुरा नावाच्या राक्षसाला ठार मारले. आणि त्याच्या जाचातून प्रजेला मुक्त केले. म्हणून हा दिवस किंक्रांत म्हणून पाळला जातो. सर्वसाधारणपणे हा दिवस अशुभ मानला जातो. दक्षिण भारतात किंक्रांतीचा दिवस ‘मट्टू पोंगल’ म्हणून साजरा करतात.
