नागपूर : हिवाळी अधिवेशनाचा Winter Session 2023 , 20 डिसेंबर हा अखेरचा दिवस आहे. रोजच अनेक विषयांवर खलबती झाल्या आहेतच. तर आज जयंत पाटील Jayant Patil आणि उपमुख्यमंत्री अजित पवार Deputy CM Ajit Pawar यांच्यामध्ये शाब्दिक बाचाबाची झाल्याचं दिसून आल आहे.
यावेळी विधानसभेत जयंत पाटील यांनी थेट उपमुख्यमंत्री अजित पवार यांच्यावर टीका केली आहे. ते म्हणाले की, ” आम्ही म्हणत होतो, कि एक महिन्याच अधिवेशन घ्या. आणि चर्चा करा, एक तर दहा दिवसांचं अधिवेशन घेतलं. आणि त्यात दोन प्रस्ताव इकडून आणि एक प्रस्ताव त्या बाजूने हे बरोबर नाही. तसेच दोन्हीही उपमुख्यमंत्र्यांपैकी आधी कोणी बोलायचं हे ठरवा असा टोला जयंत पाटील यांनी लगावला.
जयंत पाटील यांच्या या वक्तव्यावरून उपमुख्यमंत्री अजित पवार चांगलेच भडकले आहेत. अजित पवार म्हणाले की, ” आमचं अंडरस्टँडिंग आहे. कोणी बोलायचं ते आम्हाला माहित आहे. विरोधकांच्या मुद्द्यावरून सभागृहात एक बोलायचं आणि बाहेर जाऊन दुसरं बोलायचं, हा धंदा बंद करा ! असा थेट टोला अजित पवार यांनी जयंत पाटलांना लगावला आहे.
