पश्चिम बंगालच्या मुख्यमंत्री ममता बॅनर्जी Mamata Banerjee यांचा पुन्हा एकदा अपघात Accident झाला आहे. घरातच ट्रेडमिलवर वर्कआउट करत असताना त्या पडल्या आणि त्यांच्या कपाळावर गंभीर दुखापत झाल्याचं दिसून येत आहे. त्यांच्यावर योग्य ते उपचार करण्यात आले असून त्यांना रुग्णालयातून डिस्चार्ज देखील मिळाला आहे.
मिळालेल्या माहितीनुसार, घरातच ट्रेडमिलवर वर्कआउट करत असताना ममता बॅनर्जी या पाय घसरून पडल्या असं सांगितलं जातंय. यामुळे त्यांच्या डोक्याला गंभीर दुखापत झाली. रुग्णालयातील डॉक्टरांनी जखमेवर टाके घातले आणि आवश्यक सर्व तपासण्या देखील केल्या असून त्यांची प्रकृती आता स्थिर असल्यामुळे त्यांना डिस्चार्ज देखील देण्यात आला आहे.
अपघात की घातपात
खरंतर ममता बॅनर्जी या घरामध्येच पडल्या, परंतु सुरुवातीला अशी माहिती मिळाली होती की त्यांना मागून कोणीतरी धक्का दिला आणि त्यामुळे त्या पडल्या त्यांच्या कपाळाला जखम झाली असून नाकातून देखील रक्तस्राव झाल्याचे सांगण्यात आले होते. डॉक्टर मनीमॉय बंदोपाध्याय यांनी ही माहिती दिली. याआधी देखील ममता बॅनर्जी यांचे अनेक वेळा अपघात झाले आहेत.
