कोल्हापूर : कोल्हापूरमध्ये शाहू महाराज छत्रपती यांच्या विरोधात शिवसेनेचे उमेदवार संजय मंडलिक हे आहेत. आज संजय मंडलिक यांनी एका भर सभेमध्ये शाहू महाराज छत्रपती यांच्यावर खळबळ जनक विधान केले आहे. यामुळे कोल्हापूरचे वातावरण प्रचंड तापले आहे.
आज कोल्हापूर मधील चंदगड तालुक्यातील नेसरी येथे खासदार संजय मंडलिक यांची सभा आयोजित करण्यात आली होती. यावेळी त्यांनी शाहू छत्रपती महाराज यांच्याबाबत खळबळ जनक टिप्पणी केली. ते म्हणाले की, ” मल्लाला हातच लावायचा नाही, मल्लाला टांगच मारायची नाही. मग ती कुस्ती कशी होणार ? आता जे महाराज साहेब आहेत ते कोल्हापूरचे आहेत का ? खरे वारसदार आहेत का ? ते सुद्धा दत्तकच आले आहेत. ते खरे वारसदार नाहीत. खरे वारसदार तुम्ही आम्ही आहोत, शाहू, फुले, आंबेडकरांचे विचार आपण जपले. ही भूमी राजश्री छत्रपती शाहू महाराजांची आहे. शाहू महाराजांनी आपल्याला पुरोगामी विचार शिकवला. समतेचा विचार शिकवला, ” असं यावेळी संजय मंडलिक म्हणाले आहेत.
संजय मंडलिक यांच्या या वक्तव्यानंतर कोल्हापुरातील वातावरण आता तापले आहे. यावर काँग्रेस आमदार सतेज पाटील यांनी देखील निषेध व्यक्त केला आहे. ते म्हणाले की, ” स्वाभिमानी माणसं निश्चितपणे कोल्हापुरी बाणा दाखविल्याशिवाय गप्प बसणार नाहीत. त्यांच्या पायाखालची वाळू खाली घसरत चालली आहे. निवडणूक हातातून जात असल्यास त्यांना दिसत आहे. म्हणून एक वेगळ्या दिशेला निवडणूक घेऊन जायचा त्यांचा प्रयत्न आहे. पण ते यशस्वी होणार नाहीत. कोल्हापूरकर हे अजिबात सहन करणार नाहीत. ” असं सतेज पाटील म्हणाले आहेत.
Madha Lok Sabha Election 2024 : ठरलं तर ! माढ्यात धैर्यशील मोहिते पाटीलचं महाविकास आघाडीचे उमेदवार; निंबाळकरांना तगड आव्हान
तसेच भाजपचे नेते प्रवीण दरेकर हे म्हणाले की, ” संजय मंडलिक यांचा हेतू हा छत्रपती घराण्याचा अपमान करण्याचा नक्कीच नसावा. ठाकरे गटाचे खासदार संजय राऊत यांनी देखील छत्रपती वंशाचा पुरावा मागितला होता. हे विसरलात का ? भाजपने छत्रपती संभाजी राजेंना राज्यसभा दिली तेव्हा स्वतः शरद पवारांचे वक्तव्य वादग्रस्त नव्हतं का ? आधी छत्रपती हे पेशव्यांची नेमणूक करायचे आणि आता पेशवे छत्रपतींची नेमणूक करत आहेत. असा अपमान पवारांनी केला नव्हता का ? तेव्हा उगाच राजकीय विषय नसल्याने अशा विषयांना मोठं करण्याचा हेतू आहे. ” अशी प्रतिक्रिया प्रवीण दरेकर यांनी दिली आहे.
