मुंबई : सध्या लोकसभा निवडणुका तोंडावर आहेत. अशातच ठाकरे गटाला लागलेली गळती थांबायचं नाव घेत नाहीये. शिल्पा बोडके यांनी पक्षाला रामराम केला आहे. शिल्पा बोडके या विदर्भ महिला आघाडी संपर्कप्रमुख आणि प्रवक्ता होत्या. त्यांनी आपल्या ट्विटर अकाउंटवर आपल्या पक्षाचा राजीनामा पोस्ट केला आहे.
विशेष म्हणजे पक्षाला आपण सोडचिठ्ठी का देत आहोत याचं कारण देखील त्यांनी स्पष्ट केल आहे. यावेळी शिल्पा बोडखे यांनी विशाखा राऊत आणि रंजना नेवाळकर यांनी थेट शिवसेना भवनातून आपल्या विरोधात कटकारस्थान केल्याचा आरोप केला आहे.
माझी चार वर्षांची मेहनत आज व्यर्थ गेली आहे याचे दु:ख आहे, पक्षात पक्षप्रमुख व शिवसेना नेते
@AUThackeray जी यांच्या शद्बाला काही किंमत न देता विशाखा राऊत व रंजना नेवाळकर आपला मनमानी कारभार करत आहे त्यामुळे मी पक्षाचा राजीनामा देत आहे…
मनीषा कायंदे व मीना कांबळी यांनी बघितलेले स्वप्न विशाखा राऊत व रंजना नेवाळकर यांनी यशस्वी करून दाखवल्या बद्दल दोघींचे देखील अभिनंदन पुढे देखील शिवसेना भवनात बसुन असेच कार्य करत रहा, आशा करते रंजना नेवाळकर यांच्या हाताचा मटनाचा वास गेला असेलच पुन्हा नागपूरात येवून सावजी वर ताव मारा व महाप्रसादाचे वाटप करा…
