नवी दिल्ली : राज्यसभेत राष्ट्रपतींच्या अभिभाषणावरील धन्यवाद प्रस्तावावर बोलताना पंतप्रधान नरेंद्र मोदी PM Narendra Modi यांनी आज काँग्रेसवर जोरदार निशाणा साधला. ते म्हणाले की, ” या सभागृहात इंग्रजांची आठवण झाली. त्यावेळी राजे-महाराजांचे इंग्रजांशी सखोल संबंध होते, पण आता मला विचारायचे आहे की, इंग्रजांची प्रेरणा कुणाला मिळाली ? ” असा थेट सवाल पंतप्रधान नरेंद्र मोदी यांनी आज राज्यसभेत केला.
पंतप्रधान मोदी यांनी काँग्रेसवर निशाणा साधत म्हटले की, ” स्वातंत्र्यानंतरही देशात गुलामगिरीच्या मानसिकतेला कोणी प्रोत्साहन दिले हे सर्वांना माहित आहे. जर तुमच्यावर इंग्रजांचा प्रभाव नव्हता तर काँग्रेसने इंग्रजांनी तयार केलेली दंडसंहिता का बदलली नाही ? जर तुमच्यावर इंग्रजांचा प्रभाव नव्हता तर ब्रिटिशकालीन शेकडो कायदे का चालू राहिले ? जर तुम्ही प्रभावित झाला नाही, तर रेड लाईट कल्चर का सुरू राहिले ?
ब्रिटनच्या संसदेने संध्याकाळी पाच वाजता भारताचा अर्थसंकल्प का आणला ? ही परंपरा का कायम राहिली? जर तुमच्यावर इंग्रजांचा प्रभाव नव्हता, तर आपल्या सैन्याच्या प्रतिकांवर गुलामगिरीची चिन्हे का होती ? आम्ही एकापाठोपाठ एक काढून टाकत आहोत. जर तुम्हाला इंग्रजांची प्रेरणा मिळाली नसती तर राजपथाला मोदी कर्तव्यपथ होण्याची वाट का पाहावी लागली ? जर तुमच्यावर इंग्रजांचा प्रभाव नव्हता तर अंदमान-निकोबार बेटांवर अजूनही ब्रिटिश सत्तेच्या खुणा का लटकत होत्या ? जर तुमच्यावर इंग्रजांचा प्रभाव पडला नसता तर तुम्ही देशातील सैनिकांच्या सन्मानार्थ युद्ध स्मारकही बांधले नाही. जर तुमच्यावर इंग्रजांचा प्रभाव नव्हता, तर तुम्ही भारतीय भाषांकडे न्यूनगंडाने का पाहिले ? स्थानिक भाषांमध्ये अभ्यास करण्यास तुमची अनिच्छा का होती ? जर तुमच्यावर इंग्रजांचा प्रभाव नव्हता, तर भारताला लोकशाहीची जननी म्हणण्यापासून तुम्हाला कशामुळे रोखले गेले ? तुम्ही प्रभावात कसे काम करत आहात याची शेकडो उदाहरणे मी देऊ शकतो. असे मोदी म्हणाले आहेत.
