मुंबई : लोकसभा निवडणुकीच्या पार्श्वभूमीवर महाराष्ट्रातील राजकीय हालचालींना वेग आलाच होता. त्यात मंगळवारी केंद्रीय निवडणूक आयोगाने राष्ट्रवादी काँग्रेस नाव आणि घड्याळ या चिन्ह बाबत दिलेला निकालानंतर राजकीय वर्तुळात प्रचंड खळबळ उडाली आहे. दरम्यान पक्षाचे नाव आणि चिन्ह यानंतर आता पक्ष कार्यालय देखील शरद पवार गटाच्या हातातून निसटणार का? असा सवाल उपस्थित होतोय. कारण आदेश आल्यानंतर आता पक्ष कार्यालय देखील ताब्यात घेऊ असं वक्तव्य अमोल मिटकरी यांनी केल आहे.
मंगळवारी केंद्रीय निवडणूक आयोगाने राष्ट्रवादी काँग्रेस हे नाव आणि घड्याळ हे चिन्ह अजित पवार गटाला दिल्याचे घोषित केले. त्यानंतर आता महाराष्ट्रामध्ये याचे मोठे पडसाद देखील पडत आहेत. दरम्यान एवढ्यावरच हे वादळ न थांबता आता आदेश आल्यानंतर लगेचच पक्ष कार्यालय ताब्यात घेऊ असं अजित पवार गटाचे नेते अमोल मिटकरी यांनी म्हटलं आहे.
Maharashtra Politics : ” चिन्ह तुम्हारा बाप हमारा…! ” मुंबईच्या राष्ट्रवादी भवना समोर बॅनरबाजी
आदेश आल्यानंतर राष्ट्रवादी काँग्रेस अजित पवार गटाचे नेते अमोल मिटकरी यांनी माध्यमांशी संवाद साधला. ते म्हणाली की, ” राष्ट्रवादी पक्ष कार्यालय ताब्यात घेण्याबाबत अजून आदेश नाहीत. वरिष्ठ पातळीवरून आदेश आले की लगेच पक्ष कार्यालय ताब्यात घेऊ. सध्या पक्ष चिन्ह आम्हाला मिळाल आहे. त्यामुळे आपसूक पक्ष कार्यालय आमच्या बाजूला येईल असं ते म्हणाले होते.
