नागपूर : नागपूरमध्ये सकाळी सात वाजल्यापासून मतदानाला सुरुवात झाली आहे. दरम्यान आतापर्यंत 17.53 टक्के मतदान पार पडले आहे. दरम्यान नागपूरमधील एका मतदान केंद्रावर अचानक विषारी सर्प निघाल्याने मतदारांची भांबेरी उडाली आहे. नागपूरमधील नंदनवन परिसरातील केडिके कॉलेजमध्ये हे मतदान केंद्र असून मोठा सर्प असल्याने नागरिकांची धावपळ सुरू झाली.
लोकसभा निवडणुकीच्या पार्श्वभूमीवर देशभरात आज 102 उमेदवारांचे भवितव्य ठरणार आहे. आता बॉल मतदात्याच्या कोर्टात आहे. लोकसभा निवडणुकीच्या पहिल्या टप्प्यातील आज मतदान पार पडते आहे. देशातील 102 जागांवर हे मतदान पार पडते आहे. तर महाराष्ट्रातील पाच मतदारसंघात आज मतप्रक्रिया पार पडते आहे. 21 राज्यांमध्ये 102 मतदार संघात 1625 उमेदवार निवडणूक रिंगणात आहेत.
Lok Sabha Elections 2024 : आज पासून लोकसभेच्या पहिल्या टप्प्यासाठी मतदानास सुरुवात; उपमुख्यमंत्री देवेंद्र फडणवीस यांनी सहकुटुंब केले मतदान
दरम्यान आज सकाळी सहा वाजता पासून मतदान प्रक्रिया सुरू झाली आहे. उन्हाचा तडाखा पाहता सकाळच्या वेळेत मतदार केंद्रांवर गर्दी करत आहेत. आज पहिल्या टप्प्यातील म्हणजेच रामटेक, नागपूर, भंडारा गोंदिया, गडचिरोली, चिमूर ,चंद्रपूर या मतदारसंघात मतदान पार पडते आहे. तर अरुणाचल प्रदेश आणि सिक्कीमच्या विधानसभा मतदारसंघासाठी मतदान पार पडणार आहे.