मुंबई : लोकसभा निवडणुकीच्या पार्श्वभूमीवर सध्या सर्वच राजकीय पक्ष महाराष्ट्रामध्ये राजकीय दौरे करत आहेत. बैठका, सभा सुरू आहेत. यावेळी उपस्थितांना संबोधित करताना एकमेकांवर टीकाटिप्पणी देखील केली जात आहे. अशातच आता प्रवीण दरेकर Pravin Darekar यांनी उद्धव ठाकरेंवर Uddhav Thackeray घणाघाती टीका केली आहे.
काही दिवसांपासून उद्धव ठाकरे हे महाराष्ट्रामध्ये कानाकोपऱ्यात जाऊन सभा घेत आहेत. यावर आता प्रवीण दरेकर यांनी बोचरी टीका करताना म्हटले आहे की, ” बैल गेला आणि झोपा केला… जेव्हा उद्धव ठाकरेंनी फिरायला पाहिजे होतं. तेव्हा ते घरात बसले. अडीच वर्षे मुख्यमंत्री असताना मातोश्री मधून बाहेर पडले नाहीत…! ” अशी टीका दरेकरांनी केली.
उद्धव ठाकरे आणि आदित्य ठाकरे हे महाराष्ट्रामध्ये सातत्याने सभा आणि बैठका घेत आहेत. भाजप आणि एकनाथ शिंदेंवर कडाडून टीका करत आहेत. यावरूनच प्रवीण दरेकरांनी टोला लगावला आहे. जेव्हा शिवसैनिकांशी संवाद साधायला पाहिजे होता. तेव्हा त्यांनी संवाद साधला नाही. आता जेव्हा अख्खी शिवसेना एकनाथ शिंदेंच्या सोबत गेली तेव्हा त्यांना जाग आलीये. परंतु आता जाग येऊन त्यांच्या हाताला काहीच लागणार नाही. आता जाग येऊन काय उपयोग ? असा सवाल देखील प्रवीण दरेकरांनी उद्धव ठाकरेंना विचारला आहे.
https://www.facebook.com/emahatalks/videos/277099712090510/
लोकसभा निवडणुकीच्या पार्श्वभूमीवर उद्धव ठाकरे यांनी महाराष्ट्रामध्ये दौरे सुरू केले आहेत. राजकीय टीकाटिप्पणीमध्ये आता प्रवीण दरेकरांच्या या खोचक सवालावर उद्धव ठाकरे काय प्रतिक्रिया देतात हे पाहणं महत्त्वाचं ठरणार आहे.
