मुंबई : छगन भुजबळ यांनी थेट ज्येष्ठ नेते शरद पवार, राष्ट्रवादी पक्ष आणि महाविकास आघाडीवर कडव्या भाषेत टीका केली होती. त्याच्या या वक्तव्यांचा ठाकरे गटाचे खासदार संजय राऊत यांनी चांगलाच समाचार घेतला आहे.
यावेळी माध्यमांना प्रतिक्रिया देताना संजय राऊत म्हणाले कि, “छगन भुजबळ खोटं बोलत आहेत. महविकास आघाडी ही शिवसेना, काँग्रेस आणि राष्ट्रवादी या तीनही पक्षाच्या नेत्यांनी केलेली आघाडी आहे. महाविकास आघाडीची चर्चा सुरू असताना छगन भुजबळ नुकतेच तुरुंगातून सुटून बाहेर आले होते. भुजबळ आता काय म्हणत आहेत याला काहीही महत्व नाही. त्यांना मंत्रिपद हवं होतं. ईडीपासून संरक्षण हवं होतं. म्हणून ते भाजपसोबत गेले आहेत. मात्र फाईल कधीही बंद होत नाही, असं संजय राऊत म्हणालेत.
