मुंबई : लोकसभा निवडणूक 2024 चा निकाल 4 जून रोजी लागला आहे. दरम्यान महायुतीला निवडणुकीमध्ये चांगलाच फटका बसला असला तरीही निवडून आलेल्या खासदारांचं कौतुक करायला मुख्यमंत्री एकनाथ शिंदे CM Eknath Shinde विसरले नाहीत.
आज मुख्यमंत्री एकनाथ शिंदे यांच्या वर्षा निवासस्थानी निवडून आलेल्या खासदारांसाठी विशेष स्नेहभोजन आणि बैठकीचे आयोजन करण्यात आलं होतं यावेळी निवडून आलेल्या सर्व सहा खासदारांना भेटून मुख्यमंत्र्यांनी त्यांच्या पाठीवर शाबासकीची थाप दिली आहे यावेळी मुख्यमंत्री एकनाथ शिंदे यांचे सुपुत्र आणि खासदार डॉक्टर श्रीकांत शिंदे यांनी शाल आणि पुष्पगुच्छ देऊन सर्व खासदारांचा सन्मान केला त्याचबरोबर मुख्यमंत्र्यांच्या सुनबाई वृषाली शिंदे यांनी सर्वांचे औक्षण करून पेढा भरवला आहे.
यावेळी खासदार डॉक्टर श्रीकांत शिंदे नरेश मस्के प्रतापराव जाधव संदिपान भुमरे, धैर्यशील माने, रवींद्र वायकर, श्रीरंग बारणे, संजय मंडलिक ,राहुल शेवाळे कृपाल तुमाने, संजय शिरसाठ आणि शिवसेना सचिव संजय मोरे हे देखील उपस्थित होते.
