मुंबई : आजची सर्वात मोठी बातमी समोर येते आहे. काँग्रेसचे ज्येष्ठ नेते बाबा सिद्दकी Senior Congress leader Baba Siddiqui यांनी काँग्रेस पक्षाला सोडचिठ्ठी दिली आहे. आज सकाळीच बाबा सिद्दकी यांनी आपल्या अधिकृत ट्विटर अकाउंटवरून ही माहिती दिली आहे. यानंतर राजकीय वर्तुळात एकच खळबळ उडाली आहे.
https://www.facebook.com/share/v/gt8oqws6jvFNo1x8/?mibextid=qi2Omg
मुंबई काँग्रेसला मोठा धक्का
काँग्रेसला हा मोठा धक्का समजला जातो आहे. लोकसभा निवडणुकीच्या तोंडावरच आधी मिलिंद देवरा आणि आता ज्येष्ठ नेते बाबा सिद्दकी यांनी काँग्रेसला राम राम ठोकल्याने निवडणुकीमध्ये चांगलाच फटका काँग्रेसला बसू शकतो. बाबा सिद्दकी हे मुंबईतील वांद्रे परिसरातील अल्पसंख्यांक समुदायात प्रचंड मानलं जाणार व्यक्तिमत्व आहे. बाबा सिद्दकी यांनी अन्न व नागरी पुरवठा कामगार राज्यमंत्री ही खाती सांभाळली आहेत. त्यांचा राजकीय अनुभव देखील मोठा आहे.
दरम्यान काँग्रेस मधून काढता पाय घेऊन मिलिंद देवरा यांनी शिवसेना शिंदे गटामध्ये प्रवेश केला होता. तर आता बाबा सिद्दिकी हे राष्ट्रवादी अजित पवार गटांमध्ये प्रवेश करणार असल्याची माहिती समोर येते आहे.
