पालघर : महाविकास आघाडीकडून सध्या आपल्या उमेदवारांच्या प्रचारासाठी जोरदार प्रचार सभा सुरू आहेत. आज महाविकास आघाडी पालघर लोकसभेच्या शिवसेना उद्धव बाळासाहेब ठाकरे पक्षाच्या उमेदवार भारती कामडी यांनी जोरदार शक्ती प्रदर्शन करून आपला उमेदवारी अर्ज दाखल केला यावेळी आमदार आदित्य ठाकरे Aditya Thackrey यांनी भाजपवर कडाडून टीका केली आहे.
आज महाविकास आघाडी पालघर लोकसभेच्या शिवसेना उद्धव बाळासाहेब ठाकरे पक्षाच्या उमेदवार भारती कामठी यांच्या उमेदवारी अर्ज भरण्याच्या आणि प्रचार रॅलीसाठी स्वतः आदित्य ठाकरे उपस्थित होते. यावेळी त्यांनी भाजपवर कडाडून विरोध करताना म्हटले आहे की, ” भाजप हा महाराष्ट्र द्वेषी पक्ष आहे. महाराष्ट्र विरोधी कारवाया होत असल्याने भाजपला एकही मत मिळणार नाही. भाजपने आता प्रज्वल रेवणावर बोलावं भाजपच्या भारतातील सर्वोच्च नेत्यांनी येऊन त्याचा प्रचार केला. असा राक्षसी माणूस भारतात आला तरी भाजपामधून त्याच्यावर कोणीही बोलण्यास तयार नाही अशी कडाडून भाजपवर आदित्य ठाकरे यांनी टीका केली.
Lok Sabha Election : महिला नेत्यांमध्ये चांगलीच जुंपली; उल्लू ॲप, भाजप उमेदवार पॉर्नस्टार, टीका टिप्पणी करण्यात राजकारणाची पातळी फारचं खालावली
तसेच जे डरपोक लोक पळून गेले त्यांचा कुठलाही फटका आमच्या पक्षाला बसणार नाही. आम्ही लोकशाही टिकवण्यासाठी लढतोय त्यामुळे आम्ही भक्कम आहोत. पालघर लोकसभेच्या महायुतीने अजूनही उमेदवार जाहीर केला नसून ईडीसीबीआय आता कोणता उमेदवार ठरवते हे पहावं लागेल. भाजपने अजूनही उमेदवारी दिली नाही का ? महायुतीने उमेदवार जाहीर केला नसल्याने आदित्य ठाकरे यांनी जोरदार टीका केली आहे.
