Cervical Cancer : स्तनाच्या कर्करोगानंतर गर्भाशयाच्या मुखाचा कर्करोग (Cervical Cancer) हा महिलांमध्ये होणारा सर्वात सामान्य कर्करोग आहे. शरीराच्या अत्यंत नाजूक भागावर परिणाम करणारा हा कर्करोग खूप जीवघेणाही ठरू शकतो. साधारणपणे, गर्भाशयाच्या मुखाच्या कर्करोगाची स्पष्ट लक्षणे दिसत नाहीत. गर्भाशयाच्या मुखाच्या कर्करोगाची लक्षणे सामान्य नाहीत. तरीही, गर्भाशयाच्या मुखाच्या कर्करोगात दिसणारे एक सामान्य लक्षण म्हणजे अनियमित योनीतून रक्तस्त्राव.
गर्भाशयाच्या मुखाचा कॅन्सर म्हणजे काय? (What is Cervical Cancer?)
गर्भाशय आणि योनीमार्गाला जोडणारा भाग म्हणजे ‘Cervix’ (सर्व्हिक्स) किंवा ग्रीवा. हा भाग गर्भाशयाच्या खालच्या बाजूस योनीमार्गात उघडतो. स्त्रीयांना याच ठिकाणी गर्भाशयाच्या मुखाचा कॅन्सर होतो. “भारतातील लाखो महिलांना गर्भाशयाच्या मुखाचा कॅन्सर काय आहे याची माहिती नाही.” गर्भाशयाच्या मुखाशी असलेल्या पेशींमध्ये अचानक होणारी वाढ Cervical Cancer साठी कारणीभूत ठरते.
गर्भाशयाच्या मुखाच्या कर्करोगाची लक्षणं – (Cervical cancer symptoms)
मासिकपाळीच्या दिवसात अति-रक्तस्राव होणं
पाळी वारंवार येणं
लैंगिक संबंध ठेवल्यानंतर होणारा रक्तस्राव
योनीमार्गातून सतत निघणारा पांढरा द्रव (याला White Discharge म्हणतात)
योगीमार्गातून निघणाऱ्या द्रवाला वास येणं
वारंवार योनीमार्गाचं इंन्फेक्शन
आणखी वाचा – China world fastest internet : चीनने लाँच केले जगातलं सर्वात वेगवान इंटरनेट
गर्भाशयाच्या कर्करोगाचे कारण – (Cause of ovarian cancer)
गर्भाशयाच्या मुखाच्या कर्करोगाचे मुख्य कारण मानवी पॅपिलोमा विषाणू (HPV) आहे. एचपीव्ही ही एक अतिशय सामान्य समस्या आहे. परंतु काहीवेळा यामुळे गर्भाशय ग्रीवाच्या पेशींमध्ये मोठे बदल होतात, ज्यामुळे गर्भाशयाच्या मुखाचा कर्करोग विकसित होऊ लागतो. ही प्रक्रिया खूप मंद आहे आणि HPV मुळे गर्भाशयाच्या मुखाचा कर्करोग होण्यासाठी 5 ते 20 वर्षे लागू शकतात.
ह्युमन पॅपिलोमाव्हायरस आणि संबंधित कर्करोग, फॅक्ट शीट 2023 नुसार, भारतात 15 वर्षांपेक्षा जास्त वयाच्या महिलांची लोकसंख्या 51 कोटींहून अधिक आहे. या सर्व महिलांना गर्भाशयाच्या मुखाच्या कर्करोगाचा धोका आहे. दरवर्षी 1 लाख, 23 हजार, 907 महिलांना गर्भाशयाच्या मुखाच्या कर्करोगाचे निदान होते. एवढेच नाही तर, अहवालानुसार, दरवर्षी 77 हजार 348 महिलांचा या घातक कर्करोगामुळे अकाली मृत्यू होतो.
