तुम्ही वाचलं ते अगदी बरोबर आहे. आज पासून अर्थात एक ऑक्टोबरपासून बर्थ सर्टिफिकेट हे देशभरात सिंगल डॉक्युमेंट म्हणून गणले जाणार आहे. जर तुमच्याकडे बर्थ सर्टिफिकेट असेल, तर बहुतेक ठिकाणी तुम्हाला इतर कागदपत्रांची आता गरज राहणार नाही. आत्तापर्यंत आधार कार्ड किंवा पासपोर्ट हे सर्वात महत्त्वाचे कागदपत्र मानले जात होते.
राष्ट्रपतींकडून जन्म आणि मृत्यू नोंदणी कायदा 2023 मंजूर झाल्यानंतर बर्थ सर्टिफिकेट हा महत्त्वाचा दस्तावेज म्हणून ओळखला जाईल. बर्थ सर्टिफिकेटमुळे मुलांची जन्मतारीख, जन्म ठिकाण, लिंग आणि पालकांच्या नावांसह इतर महत्त्वाची माहिती नोंदवली जाते. त्यामुळे मुलांची ओळख निश्चित होऊन त्यांच्या पालकांची देखील माहिती मिळवता येते.
बाळाच्या जन्माच्या 21 दिवसाच्या आत बर्थ सर्टिफिकेटसाठी अर्ज करावा लागतो. जर पालकांनी या कालावधीत नोंदणी न केल्यास नंतर डीले रजिस्ट्रेशन प्रोविजन कायद्याच्या कलम 13 अंतर्गत नोंदणी करू शकतात. परंतु जर तुम्ही 21 दिवसानंतर आणि 30 दिवसांच्या आत अर्ज केला तर तुम्हाला 2 रुपये लेट फी भरावी लागते.