Suchitra Bandekar last Movie: लोकप्रिय अभिनेत्री सुचित्रा बांदेकर यांनी आपल्या दमदार अभिनयाच्या जोरावर मालिका आणि चित्रपटांमध्ये स्वत:चं स्थान निर्माण केलंय. नुकताच आलेला ‘बाईपण भारी देवा’ केदार शिंदे दिग्दर्शित चित्रपटात त्यांची भूमिका उल्लेखनीय होती. अशातच त्यांचा ‘झिम्मा २’ हा नवीन चित्रपट येत आहे. सध्या या चित्रपटाचे जोरात प्रमोशन सुरु आहे. (suchitra bandekar last Movie reveals zimma 2 is the last movie)
या चित्रपटात तुम्हाला निर्मिती सावंत, सुहास जोशी, सिद्धार्थ चांदेकर, रिंकू राजगुरू, आणि सायली संजीव हे मराठी कलाकार पाहायला मिळतील. सध्या सोशल मीडियावर या चित्रपटादरम्यान झालेल्या मुलाखती व्हायरल होत आहेत. अभिनेत्री सुचित्रा बांदेकर यांचा एक मुलाखतीतला व्हिडिओ व्हायरल होतोय. त्या मुलाखतीत त्यांनी सांगितलं की, हा आपला शेवटचा चित्रपट आहे असं त्या म्हणाल्या.
हे ही वाचा – Nagpur News Today: तरुणाने धावत्या रेल्वेतून मारली उडी, अन्…
मज्जा या युट्यूब चॅनेलला दिलेल्या मुलाखतीत त्यांना त्यांच्या आगामी चित्रपटाविषयी विचारणा केल्यावर त्यावर सुचित्रा म्हणाल्या, ‘शेवटी आपले मित्र मैत्रिणीचं कामाला येतात. ‘बाईपण भारी देवा’ हा माझा खूप चांगला मित्र केदार याने केलेला चित्रपट. त्याने मला खूप चांगलं पात्र दिलं आणि प्रेक्षकांनी तो डोक्यावर घेतला. आता क्षिती माझी मैत्रीण. तिने मला ‘झिम्मा’ मध्ये आणि ‘झिम्मा २’ मध्ये छानसा रोल दिला. आपण फक्त छान काम करायचं. पुढे चित्रपटांबद्दल विचार करताना मी म्हणेन की मी काही फार सोशल मीडियावर वगरे वापरत नाही. मला ते ऑपरेट करायला फार कठीण वाटतं. मला खूप जण असं म्हणतात की एवढं कठीण नाहीये ते. आणि एकूण मिळूनच माझ्या कारकिर्दीत, जे काही २० – २२ वर्षाची कारकीर्द आहे त्याच्यातच मी ८ सिनेमे केलेत. आता ही अपेक्षाच करणं चुकीचं आहे की याच्याहुन आणखी एक सिनेमा मी केला असेल आणि जो येईल पुढे?
पुढे सुचित्रा म्हणाल्या, ‘नाही नाही. मुळीच नाही. माझा करिअरमधला हाच ‘झिम्मा २’ हा शेवटचा सिनेमा आहे. अजून सिनेमे मी केले तर येतील. आताच सिनेसृष्टीतून ब्रेक घ्यायचा काही विचार नाहीये पण अजून दुसऱ्या कुठल्या चित्रपटासाठी विचारणा झालेली नाहीये.’ एकूणच सुचित्रा चित्रपटसृष्टी सोडण्याच्या विचारात नाहीत मात्र सध्या त्यांनी केलेला ‘झिम्मा २’ हा शेवटचा चित्रपट आहे.
