मुंबई : मराठी चित्रपट सृष्टीतील प्रसिद्ध अभिनेता श्रेयस तळपदे Shreyas Talpade याला काल हृदयविकाराचा झटका Heart Attack आला होता. शूटिंग वरून घरी गेल्यानंतर अचानक त्याला अस्वस्थ वाटू लागल्यानंतर त्याच्या पत्नीने त्याला अंधेरीतील रुग्णालयात दाखल केलं. त्यानंतर डॉक्टरांनी लगेचच त्याची एन्जोप्लास्टी केली असल्याची माहिती दिली आहे.
काय म्हणाले डॉक्टर ?
डॉक्टरांनी दिलेल्या माहितीनुसार, सध्या श्रेयसला अंडर ऑब्झर्वेशन ठेवण्यात आले आहे. त्याच्या पत्नीने जेव्हा त्याला रुग्णालयात दाखल केले तेव्हा त्याला हृदयविकाराचा झटका आला होता. त्यानंतर तातडीने त्याच्यावर एन्जिओप्लास्टी करण्यात आली आहे. सध्या श्रेयसची प्रकृती स्थिर असून पुढच्या दोन दिवसात त्याला डिस्चार्ज देखील दिला जाऊ शकतो.
आपला आगामी सिनेमा वेलकम टू द जंगल या सिनेमाचं शूट झाल्यानंतर तो घरी गेला होता. त्यानंतर राहत्या घरी त्याला अस्वस्थ वाटू लागल्याने त्याच्या पत्नीने त्याला रुग्णालयात दाखल केले. सध्या श्रेयशी प्रकृती स्थिर आहे.
श्रेयस तळपदे हा मराठी चित्रपट सृष्टीतील प्रसिद्ध कलाकार आहेच, पण त्याने बॉलीवूडमध्ये देखील उल्लेखनीय भूमिका केल्या आहेत. वयाच्या अवघ्या 47 व्या वर्षी हृदयविकाराचा झटका आल्यानंतर त्याच्या चाहत्यांना देखील धक्का बसला आहे.
