बॉलीवूड अभिनेता नाना पाटेकर यांना त्यांच्या दमदार अभिनयासाठी ओळखलं जातं. अनेकदा त्यांची विधान ही चर्चेचा भाग असतात. नाना पाटेकर स्वभावाने रागीट आहेत त्यांचा रागाची अनेक किस्से आहेत. पण अलीकडेच अभिनेत्याचा एक व्हिडिओ सोशल मीडियावर तुफान व्हायरल होतोय. त्यांच्या या व्हिडिओमुळे चाहते आश्चर्यचकित झाले आहेत. व्हायरल झालेल्या व्हिडिओमध्ये नाना पाटेकर एका व्यक्तीला जोरदार कानाखाली लगावताना दिसत आहेत.
आपल्या आवडत्या सेलिब्रिटीला पाहिल्यावर चाहत्यांना त्यांना भेटण्याची त्यांचासोबत सेल्फी काढण्याची तीव्र इच्छा जागरुक होते ज्यात काही गैर नाही पण अशावेळेस काही प्रसिद्ध लोकांकडून चुकीच्या घटना घडतात. ज्यांना दुर्लक्षित करता येत नाही. आणि हेच सध्या नाना पाटेकर यांच्या बाबतीत घडत आहे. चाहत्यांनी या व्हिडिओवर नाराजी देखील व्यक्त केली आहे.
काय आहे त्या व्हिडिओत
सध्या नाना पाटेकर उत्तर प्रदेशातील वाराणसीमध्ये ‘जर्नी’ चित्रपटाचे शूटिंग करत आहेत. सोशल मीडियावर व्हायरल होत असलेल्या व्हिडिओमध्ये नाना पाटेकर चित्रपटाचा शॉट तयार असताना त्याच्या सीनसाठी उभे असल्याचे दिसत आहे. तेवढ्यात एक तरुण त्यांच्यासोबत सेल्फी घेण्यासाठी येतो. हे पाहून नाना पाटेकर यांचा राग अनावर होतो व ते सर्वांसमोर त्या चाहत्याचा कानाखाली मारतात. हे पाहून युनिटचे इतर सदस्य आले आणि त्याला गळ्यात पकडून बाहेर घेऊन गेले.
सध्या नाना पाटेकर त्यांच्या आगामी ‘जर्नी’ या चित्रपपटात झळकणार आहे. ‘जर्नी’ चित्रपटाचे दिग्दर्शन ‘गदर २’ फेम अनिल शर्मा करत आहेत. या चित्रपटात त्यांचा मुलगा उत्कर्ष शर्मा मुख्य भूमिकेत असून पिता-पुत्राच्या नात्यावर आधारित ही कथा आहे. सध्या हा व्हिडिओ पाहून नेटकऱ्यांमध्ये संताप व्यक्त होत आहे. एका यूजरने म्हटले की, ‘सर, सर्वसामान्यांनाही आदर द्या.’
