मुंबई : बॉलीवूडच्या प्रसिद्ध चित्रपटांपैकी एक असलेल्या दंगल Dangal या चित्रपटातील बालकलाकार सुहानी भटनागर Suhani Bhatnagar हिचा वयाच्या 19 व्या वर्षी मृत्यू झाला आहे. आमिर खान सोबत तिने स्क्रीन शेअर केली होती. त्यानंतर ती प्रचंड प्रसिद्धीच्या झोतात आली होती.
मिळालेल्या माहितीनुसार, सुहानीचा काही दिवसांपूर्वी अपघात झाला होता. या अपघातामध्ये केवळ तिचा पाय फ्रॅक्चर झाला होता. पण चुकीचे इलाज केले गेल्यामुळे तिच्या संपूर्ण शरीरात पाणी साचू लागले आणि त्यामुळेच तिचा मृत्यू ओढावला अशी माहिती मिळते आहे.
सुहानीने खूप कमी वयामध्ये दंगल सारख्या चित्रपटात आमिर खान सोबत स्क्रीन शेअर केली होती. यानंतर तिला प्रचंड प्रमाणात प्रसिद्धी देखील मिळाली होती. पुढे तिचं भवितव्य नक्कीच चांगलं असू शकलं असतं परंतु अवघ्या एकोणिसाव्या वर्षी नियतीच्या विचित्र खेळामुळे या सुंदर अभिनेत्रीला आपले प्राण गमवावे लागले आहेत.
