मुंबई : मराठी मालिका आणि चित्रपटातील प्रसिद्ध अभिनेत्री नेहा पेंडसे हिच्या राहत्या घरी सहा लाखाच्या घरात चोरी झाल्याची घटना उघडकीस आली आहे. याप्रकरणी तिच्या ड्रायव्हरने पोलिसात तक्रार दाखल केली आहे. नेहा पेंडसेच्या घरातून तब्बल ६ लाख रुपयांची चोरी झाली आहे.
मिळालेल्या सविस्तर माहितीनुसार, अभिनेत्री नेहा पेंडसे ही वांद्रे वेस्ट मध्ये अरोटो नावाच्या बिल्डिंगमध्ये राहते. या बिल्डिंगमध्ये 23व्या मजल्यावर तिचा फ्लॅट आहे . तिच्या ड्रायव्हरने दिलेल्या माहितीनुसार, नेहाचा पती शार्दुल हा चोरी गेलेल्यांपैकी काही दागिने रोज वापरत होता. घरी आल्यानंतर तो हे दागिने ठेवण्यासाठी त्याच्या नोकराकडे देत होता.
दरम्यान घरातून नेहा पेंडसे हिला लग्नात मिळालेल्या सोन्याच्या बांगड्या आणि हिऱ्याची अंगठी आणि इतर काही दागिने असा लाख रुपये किमतीचा मुद्देमाल लंपास करण्यात आला आहे. ही घटना घडली तेव्हा घरचा संशयित नोकर सुमित सोलंकी हा घराबाहेर पडण्याच्या तयारीत होता. दरम्यान या नोकरास पोलिसांनी चौकशीसाठी ताब्यात घेतले आहे. परंतु अद्याप दागिने सापडलेले नाहीत अशी माहिती पोलिसांकडून देण्यात आली आहे.
