यवतमाळ : यवतमाळ Yavatmal जिल्ह्यातील कळंब येथील तिरछडा पारधी बेड्यावर चार जणांची हत्या Murder करण्यात आली आहे. ही हत्या जावई गोविंद पवार याने केली असून त्याने त्याची पत्नी जी तिच्या माहेरी राहत होती तिची देखील हत्या केली आहे.
या हत्याकांडामध्ये आरोपी जावई गोविंद पवार याने पत्नी रेखा पवार, सासरा पंडित घोसले, मेहुना ज्ञानेश्वर घोसले आणि सुनील घोसले या चौघाजणांची हत्या केली आहे. तसेच सासू रखमा भोसले यांच्यावर देखील हल्ला केला होता, परंतु त्या हल्ल्यातून बचावल्या आहेत.
Related posts
पोलिसांनी दिलेल्या माहितीनुसार, आरोपी जावई गोविंद पवार याच्या सासूवर देखील जीवघेणा हल्ला करण्यात आला होता. परंतु सुदैवाने त्या बचावले आहेत. त्यांनी दिलेल्या साक्षीनुसार आरोपी जावई हा त्यांच्या मुलीला बाहेर अनैतिक संबंध असल्याच्या संशयावरून सातत्याने मारहाण करत होता. यावरून काही दिवसांपूर्वी सासरे पंडित भोसले आणि मेहुण्यांनी त्यास मारहाण केली होती. याचाच राग मनात धरून जावयाने घरामध्ये हल्ला केला. या गुन्ह्याची नोंद करण्यात आली असून आरोपी गोविंद पवार याला अटक देखील करण्यात आली आहे.
