परभणी : परभणीतून Parbhani एक धक्कादायक घटना उघडकीस आली आहे. घरात उशिरापर्यंत पतीला थांबलेले पाहिल्याने पत्नीने कामावर का गेला नाहीस असे विचारले आणि या किरकोळ प्रश्नाचा पतीला एवढा राग आला की त्याने थेट पत्नीला विष पाजून तिला ठार करण्याचा प्रयत्न केला आहे. सुदैवाने पत्नीने आरडाओरडा केल्याने शेजाऱ्यांनी तिला वेळेत रुग्णालयात दाखल केले म्हणून तिचा जीव वाचला आहे.
मिळालेल्या सविस्तर माहितीनुसार, हा भयानक प्रकार परभणीतील नेहरुनगर भागात बुधवारी सायंकाळच्या वेळेत घडला आहे. यामध्ये पती नारायण पवार यांचे लग्न 2012 साली शीतल यांच्याशी झाले होते. या दोघांनाही एक मुलगा आणि एक मुलगी ही अपत्य आहेत. सुखी चौकोनी कुटुंबामध्ये किरकोळ वादातून टोकाचे पाऊल पतीने उचलले. सायंकाळच्या वेळी पती घरात बसलेला पाहिल्यावर पत्नीने विचारले की कामावर गेले नाहीत का ? तिच्या या प्रश्नावर पती नारायण पवार याला राग अनावर झाला आणि बाचाबाचीच रूपांतर एवढं वाढलं की नारायण पवार यानी तुला जिवंत ठेवणार नाही असे म्हणून तिला विष पाजले.
त्यानंतर पीडिता शीतल पवार यांनी आरडाओरडा केल्याने आजूबाजूला राहणाऱ्यांनी तिला मदत केली. आणि रुग्णालयात वेळेत दाखल केले. म्हणून तिचा जीव वाचला आहे. शितल पवार यांच्या तक्रारीवरून पती नारायण पवार यांच्यावर गुन्हा दाखल करण्यात आला असून अधिक तपास सुरू आहे.
