नवीन शैक्षणिक धोरण आल्यानंतर भारताच्या शिक्षण व्यवस्थेत अनेक बदल करण्यात आले आहेत. या मालिकेत आणखी एक काम होणार आहे. आता जगातील अव्वल यादीत समाविष्ट विद्यापीठाची शाखा भारतात सुरू होणार आहे. विद्यापीठ अनुदान आयोगाने बुधवारी परदेशी विद्यापीठांना त्यांची प्रवेश प्रक्रिया आणि फी संरचना ठरवण्यासाठी संपूर्ण स्वायत्ततेसह त्यांचे कॅम्पस भारतात सुरू करण्यास आणि चालविण्यास परवानगी देण्यासाठी नियम अधिसूचित केले.
हे वाचलेत का ? मुख्यमंत्र्यांनी केली MMRDA च्या कर्मचाऱ्यांची दिवाळी गोड; 42 हजार 350 रुपयांचे सानुग्रह अनुदान मिळणार
UGC च्या वतीने, भारतातील विदेशी उच्च शैक्षणिक संस्थांच्या कॅम्पसची स्थापना आणि संचालनाचा मसुदा, 2023 या वर्षी जानेवारीमध्ये आयोगाने जारी केला होता. तेव्हापासून भारतात परदेशी विद्यापीठांच्या शाखा सुरू होणार असल्याची चर्चा जोर धरू लागली होती. आता UGC ने याबाबत अधिकृत घोषणा केली आहे.
