December OTT Release : ओटीटी विश्व म्हणजे अक्षरशः मनोरंजनाचा खजिनाच आहे. अनेक लोक घरी बसून छान ओटीटीवरचे काही चित्रपट एन्जॉय करताना दिसतात. अगदी जुन्या प्रसिद्ध चित्रपटांपासून ते काल-परवा आलेल्या चित्रपटापर्यंत सगळेच चित्रपट आता ओटीटीवर बघता येतात. तुम्ही देखील डिसेंबर महिन्यात घरी बसून ओटीटीवर काही पाहण्याचा विचार केला असेल तर ही बातमी नक्की वाचा. (december 2023 ott web series release)
दाक्षिणात्य सस्पेंस थ्रिल वेब सीरिज ‘धूथा’ हा १ डिसेंबरला प्रदर्शित होणार आहे. ही सीरिज हिंदी, तमिळ, तेलुगू, मल्याळम आणि कन्नड या भाषांमध्ये प्रदर्शित होणार आहे. ही सीरिज अॅमेझॉन प्राइम या ओटीटीवर प्रदर्शित होणार असून नागा चैतन्य या सीरिजमध्ये महत्त्वाच्या भूमिकेत दिसणार आहे. तो एका पत्रकाराच्या भूमिकेत दिसणार आहे.
मिशन रणीगंज हा अक्षय कुमारचा चित्रपट १ डिसेंबर रोजी नेटफ्लिक्स या ओटीटी प्लॅटफॉर्मवर प्रदर्शित होणार आहे. या चित्रपटात परिणीत चोप्रा महत्त्वाच्या भूमिकेत दिसणार आहे.
‘द आर्चीज’ हा चित्रपट गेल्या काही दिवसांपासून चर्चेत आहे. या चित्रपटात सुहाना खान, खुशी कपूर, आगस्त्य नंदा हे स्टारकिड्स दिसणार आहेत. हा चित्रपट ७ डिसेंबर रोजी नेटफ्लिक्स या ओटीटी प्लॅटफॉर्मवर प्रदर्शित होणार आहे.
म्यूझिकल थ्रिलर सीरिज ‘चमक’ ही सोनी लिव्ह या ओटीटी प्लॅटफॉर्मवर प्रदर्शित होणार आहे. या सीरिजमध्ये पंजाबमधील म्यूझिक इंडस्ट्रीविषयी दाखवण्यात येणार आहे. ७ डिसेंबरला हा सीरिज प्रदर्शित होणार आहे.
झी ५ या ओटीटी प्लॅटफॉर्मवर ‘कडक सिंह’ ही सीरिज ८ डिसेंबरला प्रदर्शित होणार आहे. पंकज त्रिपाठी या सीरिजमध्ये महत्त्वाच्या भूमिकेत दिसणार आहे.
डिस्ने प्लस हॉटस्टार या ओटीटी प्लॅटफॉर्मवर अॅक्शन थ्रिलर सीरिज ‘द फ्रीलांसर’चा पहिला सिझन प्रदर्शित होणार आहे. या सीरिजचा शेवटचा एपिसोड १५ डिसेंबर रोजी प्रेक्षकांच्या भेटीला येणार आहे. या सीरिजमध्ये मोहित रैना, कश्मीरा परदेशी आणि अनुपम खेर दिसणार मुख्य भूमिकेत दिसणार आहेत.
